Мажбурий ижро бюросининг Наманган вилоят бошқармасига янги раҳбар тайинланди. Бу ҳақда «Дарё» мухбири Азизбек Абдувалиев хабар бермоқда.
Ўзбекистон Республикаси бош прокурори буйруғи билан Бекзод Мирзааҳмедов Бош прокуратура ҳузуридаги Мажбурий ижро бюросининг Наманган вилоят бошқармаси бошлиғи лавозимида иш бошлади.
Бунгача ушбу лавозимда Дилмурод Умаралиев фаолият юритган ва бош прокурорнинг тегишли буйруғи билан Наманган вилоят прокурорининг ўринбосари лавозимига тайинланган эди.
Мирзааҳмедов 1982 йил Наманган вилоятида туғилган. 2003—2017 йилларда Бош прокуратура ҳузуридаги Иқтисодий жиноятларга қарши курашиш департаментида турли вазифаларда меҳнат қилган. 2017 йилдан эса МИБ Наманган вилоят бошқармаси бошлиғи ўринбосари сифатида фаолиятини давом эттирган.
Мазкур тайинловга қадар Б.Мирзааҳмедов МИБ Наманган вилоят бошқармаси туманлараро бўлими бошлиғи вазифасида ишлаб келаётган эди.
Изоҳ (0)