Тайван Украина Россиянинг махсус ҳарбий операциялари вақтида амалга ошираётган тактикани эътиборга олиб қўйиши лозим, деб ҳисобламоқда АҚШ ҳарбий кучлари қўмондонлар штаби қўмитаси раиси Марк Милли. Унинг сўзларига кўра Хитой 2027 йилга бориб Тайванни эгаллаб олишни мақсад қилмоқда. Бу ҳақда «Коммерсантъ» хабар берди.
«Украинадаги вазиятга эътибор қаратган ҳолда қурол ўқталиб турилган мамлакатнинг ҳолати қандай бўлиши борасида сабоқлар чиқариб олиш зарур. Рақиб бостириб кирмоқчи бўлса, ҳарбий хизматни ўтай оладиган ҳар бир аёл ва эркак қўлига қурол олиб, маълум вақт тайёргарлик кўриши керак. Айниқса гап мараказлаштирилмаган кичик зобитлар ёки бошқа ҳарбийлар иштирок этаётган операциялар ҳақида борганда буни ҳисобга олиш муҳим»,— деган Милли АҚШ вакиллар палатасидаги қўмита эшитувида.
АҚШ ҳарбий кучлари қўмондонлар штаби қўмитаси раисининг фикрича Хитой 2027 йилга бориб Тайванни эгаллаб олмоқчи, 2035 йилда эса АҚШ билан ҳарбий жиҳатдан тенглашиши мумкин.
Хитой Тайванни ўз провинцияси деб ҳисоблайди, бироқ орол мамлакатдан мустақиллигини таъкидлайди. Тайван ўз конституцияси, армияси ва ҳукуматига эга. АҚШ Тайваннинг Хитойдан мустақиллигини тан олмаган, аммо орол билан муносабатлар тўғрисида 1979 йилда имзоланган актга кўра унга мудофаа мақсадларида фойдаланиши учун ҳарбий техника етказиб беради. Хитой ҳукумати Укаринадаги вазиятни Тайван билан боғлиқ ҳолатга таққослаб бўлмаслигини қайд этган.
Аввал март ўрталарида Тайван Мудофаа вазирлиги Хитой ҳарбий ҳаво кучларининг 13 та самолёти оролга юборилганини хабар қилган, февраль бошида эса Хитой АҚШдан Тайванга қурол-яроғ етказиб беришни тўхтатишни сўраганди.
Изоҳ (0)