Tayvan Ukraina Rossiyaning maxsus harbiy operatsiyalari vaqtida amalga oshirayotgan taktikani e’tiborga olib qo‘yishi lozim, deb hisoblamoqda AQSH harbiy kuchlari qo‘mondonlar shtabi qo‘mitasi raisi Mark Milli. Uning so‘zlariga ko‘ra Xitoy 2027-yilga borib Tayvanni egallab olishni maqsad qilmoqda. Bu haqda “Kommersant” xabar berdi.
“Ukrainadagi vaziyatga e’tibor qaratgan holda qurol o‘qtalib turilgan mamlakatning holati qanday bo‘lishi borasida saboqlar chiqarib olish zarur. Raqib bostirib kirmoqchi bo‘lsa, harbiy xizmatni o‘tay oladigan har bir ayol va erkak qo‘liga qurol olib, ma’lum vaqt tayyorgarlik ko‘rishi kerak. Ayniqsa gap marakazlashtirilmagan kichik zobitlar yoki boshqa harbiylar ishtirok etayotgan operatsiyalar haqida borganda buni hisobga olish muhim”,— degan Milli AQSH vakillar palatasidagi qo‘mita eshituvida.
AQSH harbiy kuchlari qo‘mondonlar shtabi qo‘mitasi raisining fikricha Xitoy 2027-yilga borib Tayvanni egallab olmoqchi, 2035-yilda esa AQSH bilan harbiy jihatdan tenglashishi mumkin.
Xitoy Tayvanni o‘z provinsiyasi deb hisoblaydi, biroq orol mamlakatdan mustaqilligini ta’kidlaydi. Tayvan o‘z konstitutsiyasi, armiyasi va hukumatiga ega. AQSH Tayvanning Xitoydan mustaqilligini tan olmagan, ammo orol bilan munosabatlar to‘g‘risida 1979-yilda imzolangan aktga ko‘ra unga mudofaa maqsadlarida foydalanishi uchun harbiy texnika yetkazib beradi. Xitoy hukumati Ukarinadagi vaziyatni Tayvan bilan bog‘liq holatga taqqoslab bo‘lmasligini qayd etgan.
Avval mart o‘rtalarida Tayvan Mudofaa vazirligi Xitoy harbiy havo kuchlarining 13 ta samolyoti orolga yuborilganini xabar qilgan, fevral boshida esa Xitoy AQShdan Tayvanga qurol-yarog‘ yetkazib berishni to‘xtatishni so‘ragandi.
Izoh (0)