Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Ўзбекистон халқ артисти Лутфулла Саъдуллаев шифохонанинг жонлантириш бўлимига тушиб қолди. Бу ҳақда унинг қизи Муқаддас Саъдуллаева маълум қилиб, мухлисларидан отасини дуо қилиб қўйишларини сўради.

Ҳозирги сериалларда асосан салбий образларни яратаётган актрисалар Барчин Ғофурова ҳамда Машҳура Зулфиқорова кузатувчиларига биргаликда кўриниш берди.

Бир неча кун аввал Лиил Хуррамовнинг Азода билан келин-куёв образида тушган сурати ижтимоий тармоқларда тарқалиб, блогерларнинг турмуш қургани ҳақида айтилган эди. Лиил Хуррамов аслида ушбу суратларни гив-конкурси учун тайёрлагани маълум бўлди. Унинг саҳифасига жойланган видеода Озоднинг Азодага уйлангани аслида тушида юз беради.

Милена Мадмусаева мухлисларига янги суратини тақдим этди.

Гули Асалхўжаева, Жаҳонгир ҳамда Асал Хўжаевлар «Хўжаевлар оиласи» деб номланган инстасериални кузатувчилари эътиборига ҳавола этиб бормоқда. Қисқа видеороликда Сариқ боланинг онаси ва рафиқаси олдида ноқулай вазиятга тушгани юмор билан кўрсатиб берилган.

Таниқли телебошловчи Дилдора Рустамова устози, дубляж режиссёри Баҳодир Қосимовни таваллуд айёми билан муборакбод этди.

Умидахон кузатувчиларига янгича имижда кўриниш берди.

Нилуфар Усмонова ўғиллари билан Самарқанд вилоятидаги Ҳазрати Довуд зиёратгоҳига ташриф буюрди.

Хонанда, шунингдек, уч бола билан саёҳатга чиқишнинг қийинчиликлари ҳақида ҳам қизиқарли видео тайёрлади.

Хонанда Нигора «Севимли» телеканалидаги «Ким экан?» шоусида Круэлла образида намоён бўлди.

Хонандалар Фаррух Раимов ва Дилсўзнинг хонадонида тўртинчи фарзанд дунёга келди. Жуфтлик ўғилларига Муҳаммадусмон деб исм қўйди.

«Митти вайн» тахаллуси билан ижод қилувчи блогер Фарҳод Маннопов онасининг туғилган кунига Tracker автомобилини совға қилди.