AQSHning Axios onlayn nashri Oq uy matbuot kotibi Jen Psakining o‘z ishini o‘zgartirishi mumkinligini xabar qildi. Axios manbalari Psaki xonimning MSNBC kabel telekanali bilan muzokaralar olib borayotgani va may oyida u yerda ish boshlashini bildirgan.
Xabarga ko‘ra Jen Psaki Oq uy yuridik departamenti bilan ketish rejasini muhokama qilgan, ayol iste’foning axloqiy hamda huquqiy tomonlari ustida bosh qotirmoqda. Nashr manbalari Psakining ushbu rejalari haqida Oq uyning yuqori martabali xodimlariga gapirgan, ammo matbuot xizmati vakillariga rasmiy bayonotlar bermagan. Psakining MSNBC bilan muzokarlari qoniqarli yakunga yaqin turibdi. Avval ushbu resurs Psakining CNN bilan muzokaralar olib borganini xabar qilgan, bir nechta boshqa kanallar esa uni ishga qabul qilishga qiziqqan.
Jen Psaki Oq uy matbuot xizmatida 2009-yilda ishlashni boshlagan. 2011-yilda ma’lum vaqt Oq uydagi ishini tashlagan va 2012-yilda yana siyosatga qaytib, Barak Obamaning matbuot kotibi, 2013-yilda esa AQSH davlat departamentining vakiliga aylangan.
Donald Tramp prezidentlik davrida Psaki CNN siyosiy sharhlovchisi bo‘lgan va Jo Bayden prezidentlik saylovlarida g‘alaba qozonganidan keyin yana Oq uyga qaytgandi. Psaki MSNBC’da ish boshlasa, vitse-prezident Kamala Xarrisning sobiq matbuot kotibi Simon Sanders bilan birga faoliyat olib boradi. Kanal Sandersni yanvar oyida yangi dastur boshlovchiligiga taklif qilgan.
Mavzuga doir:
- Oq uy Rossiya biologik qurol bilan provokatsiya uyushtirishi mumkinligidan ogohlantirdi
- AQSh yadroviy kelishuv bo‘yicha muzokaralar muvaffaqiyatsizlikka uchraydigan bo‘lsa, Eronga qarshi chora ko‘rishga va’da berdi
- Advokatlikdan vitse-prezidentlikka qadar. AQSh tarixidagi birinchi ayol va qora tanli vitse-prezident Kamala Xarris haqida
Izoh (0)