Ижтимоий тармоқларда Хоразм вилояти Урганч шаҳрида 31 март куни реклама мониторида порнографик видео қўйиб юборилгани ҳақида хабарлар тарқалганди. Урганч шаҳар ҳокимлиги порнографик мазмундаги лавҳани жойлаштирган шахс барчадан узр сўрагани тасвирланган видеони эълон қилди.
Ички ишлар органлари томонидан олиб борилган дастлабки тезкор-суриштирув ишлари натижасида порнографик мазмундаги видеолавҳа реклама монитори тегишли бўлган бўлган хусусий фирма ишчиси И.И. (1978 йилда туғилган) томонидан реклама роликларини жойлаштириш жараёнидаги эҳтиётсизлик сабаб жойлаб юборилгани аниқланган.
«Бугун бориб 20 та ролик ташлаган эдим, шулар орасида 1 та порнографик видео ҳам ўтиб кетган… Мен у нарсани билганим йўқ. Телефоннинг эскилиги учунми ёки дастурида хатолик сабабми босилиб кетган. Мен уни бирор кишига зарар бериш мақсадида қилганим йўқ. Айбимдан пушаймонман, халқимдан кечирим сўрайман», — дейди ишчи.
Ҳозирда ҳолат юзасидан ички ишлар органлари томонидан терговга қадар текширув ишлари олиб борилмоқда.
Мавзуга доир:
- Ўзбекистонда порнография ва тақиқланган контентни тарқатганлик учун солинадиган жарима миқдори оширилади
- Шаҳрисабзда Telegram гуруҳига порнографик видеолар ташлаган мактаб ўқувчиларига чора кўрилди
- Ўзбекистонда интернетдаги қонунга зид контентларга қарши курашишга мўлжалланган Telegram бот ишлаб чиқилди
Изоҳ (0)