Ривожланиб келаётган артритнинг эътиборсиз қолдириб бўлмайдиган 5 аломати

Артрит ҳар доим ҳам оғриқ билан тавсифланмайди. Ушбу нохуш касалликнинг бошқа белгилари ва у билан қандай курашиш ҳақида билиб олинг.

«Артрит» сўзи безовта қилувчи оғриқ билан боғлиқ, аммо бу касаллик бошқа аломатлар орқали ўзини намоён қилиши мумкин. Яхши томони шундаки, агар мутахассисга вақтида мурожаат қилинса, зарарни камайтириш ва аломатларни минимал даражада ушлаб туриш мумкин. Шунинг учун вақтни ўтказмасдан ривожланиб келаётган артрит белгилари рўйхатига эътиборли бўлишингизни сўраб қоламиз.

Қисқарган ҳаракат оралиғи

Баъзи ҳаракатлар энди осон эмаслигини сезиш мумкин. Ҳар қандай оғир ёки енгил ҳаракат бўлмасин, уларнинг барчаси бўғимга боғлиқ. Қуйида санаб ўтилган аломатлар ҳаракатланишни қийинлаштириши мумкин, аммо унутмангки, қон айланишини яхшилаш артрит белгиларини камайтиришга ёрдам беради.

Бўғимлар ҳаракатчанлигининг ёмонлиги

Бўғимларнинг қаттиқлашуви артритда жуда кенг тарқалган. Бу ҳолат ривожланганда, бўғимнинг ҳаракатланишида қийинчиликлар бўлиши мумкин. Улар одатдагидан камроқ эластик бўлиб қолиши ва эрталаб уйғонганда қаттиқлик кучайганини тахминан бир соат ёки ундан кўпроқ давом этиши яққол сезилади. Совуқ ҳавода ҳам бу аломатнинг кучайиши кузатилади.

Бўғимларда сурункали оғриқ

Доимий давом этувчи ёки кучайиб бораётган бўғим оғриқлари артритнинг асосий белгиси ҳисобланади. Оғриқ вақт ўтиши билан кучаяди, айниқса даволанмаса. Агар бирор ташқи таъсир туфайли жароҳат ёки йиллар давомида яллиғланишга олиб келадиган остеоартрит бўлса, битта, гоҳида иккала тизза ва сонда бўғимларнинг оғриғини сезиш мумкин. Агар иммунитет тизимининг реакциясидан келиб чиққан ҳолда ревматоид артрит аниқланса, оғриқлар симметрик бўлади. Оғриқ бошланганда, масалан, ўнг билакда, кейин чап томонда сезилади.

Бўғимлар атрофида шиш пайдо бўлиши

Бўғимларнинг шишиши уларнинг атрофидаги тўқималарда суюқликнинг кўпайиши фонида пайдо бўлади. Бу, айниқса, ревматоид артрит, остеоартрит, псориатик артрит ва подаграда кўпроқ кузатилади. Псориатик артрит псориазнинг яллиғланишли тери касаллиги бўлган одамларнинг тахминан 30 фоизига таъсир қилади. Подагра организмда пешоб кислотасининг ғайриоддий даражада юқори бўлганида ривожланади. Бу барча аломатлар алоҳида эътиборга лойиқдир.

Бўғимларнинг қизариши

Бўғимларнинг қизариши кўпинча яллиғланишнинг натижасидир, шунинг учун яллиғланиш мавжуд бўлганда, бу соҳадаги ранг кўпинча ўзгаради. Шишнинг кучайиши билан қизариш пайдо бўлишини ёки ёмонлашишини сезиш мумкин. Шу билан бирга, бўғим ёки улар атрофидаги жой иссиқ бўлиши мумкин. Албатта, бу яллиғланиш билан боғлиқ.

Нима қилиш керак?

Мутахассисларнинг таъкидлашича, артритни даволаш мумкин бўлмаса-да, уни сезиларли даражада яхшилашга қаратилган усуллар билан енгиллаштириш мумкин. Бунинг учун:

• тўғри овқатланиш;
• озиш;
• чекишни ташлаш;
• стресс даражасини назорат қилиш;
• физиотерапия;
• гиалурон кислотаси инексиялари;
• эндопростетика;
• рецепт бўйича дорилар;
• стероид бўлмаган яллиғланишга қарши дорилар;
• стероид инъекциялари.