«ПСЖ» ҳужумчиси Килиан Мбаппе ЖЧ—2022 қуръа ташлаш маросимида иштирок этишдан бош тортди.
Қатар вакиллари 1 апрель куни Доҳада бўлиб ўтадиган маросимда Килиан Мбаппени ҳам махсус меҳмон бўлишини хоҳлаган эди.
Қатарликлар Мбаппенинг ташрифи борасида «ПСЖ» ва Франция футбол федерацияси билан келишиб қўйган эди. Аммо футболчининг ўзи Франция терма жамоасининг сардори эмаслигини тушунтириб, қуръа маросимига боришдан бош тортди, дея хабар беради L’Equipe. Маълумот учун, ҳозирда Франция терма жамоасининг сардори Уго Льорис ҳисобланади.
Ундан ташқари 23 ёшли ҳужумчи 3 апрель кунига мўлжалланган «Лорян»га қарши баҳсга кўпроқ тайёргарлик кўришни хоҳлайди.
Шу тариқа Доҳада бўлиб ўтадиган маросимга Франция номидан бошқа футболчи борадиган бўлди.
Мбаппе 2017 йилдан буён «ПСЖ» шарафини ҳимоя қилиб келмоқда. Футболчининг парижликлар билан шартномаси 2022 йил июнь ойида ўз ниҳоясига етади. Жорий мавсум футболчи Франция чемпионатининг 26 ўйинида иштирок этиб, 15 та гол ва 10 та голли узатмага муаллифлик қилди.
Изоҳ (0)