Аёллар футболи бўйича «Барселона» ва «Реал» ўртасидаги Чемпионлар Лигаси чорак финал учрашувида жаҳон рекорди қайд этилди.
Учрашувда каталонияликлар 5:2 ҳисобида ғалаба қозонди. Ўйинни томоша қилиш учун «Камп Ноу» стадионига 91 553 мухлис ташриф буюрди. Аёллар футболи тарихида ҳеч қачон бунча ташриф қайд этилмаган.
Аввалги рекорд Пасадина шаҳрида бўлиб ўтган ЖЧ—1999 финал баҳсида қайд этилганди. АҚШ ва Хитой ўртасидаги финални кўриш учун 90 185 томошабин стадионга келган.
Қайд этиш керак, «Барселона» ва «Реал» аёллар жамоалари «Камп Ноу»да илк бор ўзаро тўқнаш келди.
«Барселона» аёллар жамоаси икки ўйин натижасига кўра «Реал»ни 8:3 ҳисобида мағлуб этиб, Чемпионлар Лигаси ярим финалига йўл олди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)