Шавкат Мирзиёев раислигида 31 март куни макроиқтисодий барқарорликни таъминлаш, жаҳон иқтисодиётидаги мураккаб вазиятдан келиб чиқиб ҳудуд ва тармоқларни ривожлантириш, аҳоли фаровонлигини ошириш масалалари юзасидан видеоселектор йиғилиши бошланди. Бу ҳақда президент матбуот котиби хабар қилди.
«Ойнинг бошида алоҳида комиссия тузиб, барча хавф-хатарларни ҳисоб-китоб қилганимиз ва энг долзарб йўналишларда ўз вақтида тезкор чораларни кўришни бошлаганимиз ўз натижасини бера бошлади», — деди давлат раҳбари йиғилиш аввалида.
Қайд этилишича, Тошкент товар-хом ашё биржасида чет эл корхоналари буғдой, ун, шакар, ўсимлик ёғи каби маҳсулотларни савдога қўйишни бошлаган. Бунга темир йўлда ташишга ички тарифлар қўлланилмоқда.
Бу ишларнинг давоми сифатида бир ҳафта муддатда:
- хорижий йирик ишлаб чиқарувчилар ва улгуржи савдо ташкилотларини Товар-хом ашё биржаси савдоларига кенг жалб қилиш;
- темир йўл тарифлари ва таннархни ичига кириб, уларни янада пасайтириш чораларини кўриш вазифаси қўйилган.
Изоҳ (0)