Шавкат Мирзиёев 31 март куни ўтказилган видеоселектор йиғилишида иқтисодий комплекс раҳбарларига макроиқтисодий барқарорликни сақлаб қолиш бўйича таъсирчан чораларни давом эттиришга кўрсатма берди. Бу ҳақда президент матбуот котиби хабар қилди.
Қайд этилишича, бунинг учун ҳудуд ва тармоқ харажатларини 10 триллион сўмга қисқартириш талаб этилади. Президент йил якунига қадар барча ҳокимлик, вазирлик ва идораларга:
- молиявий манбаси аниқ бўлмаган қурилишларни бошлаш;
- бино таъмирлаш, автомобиль, мебель, офис анжомлари харид қилиш каби қўшимча харажатларни амалга оширишни қатъиян тақиқлаган.
"Бу – маблағлар олиб қўйилади, дегани эмас. Барча иқтисод қилинган маблағлар ушбу ҳудуд ва тармоқнинг ривожлантириш дастурига йўналтирилади", — деган Шавкат Мирзиёев.
Мавзуга доир:
- Ўзбекистонда йил якунига қадар Россия, Украина ва Беларусь билан ишлаётган корхоналарга дебитор қарздорлик учун жарима қўлланилмайди
- Ўзбекистонда шакар, ун, ёғ, гўшт каби маҳсулотлар учун акциз солиғи ва божхона тўловлари пасайтирилиши мумкин
- «Ҳоким ва прокурорлар қаёққа қараган?». Шавкат Мирзиёев бозорларда шакар нархи ошиб кетгани ҳақида гапирди
Изоҳ (0)