Шавкат Мирзиёев 31 март куни макроиқтисодий барқарорликни таъминлаш, аҳоли фаровонлигини ошириш масалалари юзасидан ўтказилган видеоселектор йиғилишида солиқ маъмурчилигида доир вазифалар берди. Бу ҳақда Президент матбуот хизмати хабар қилди.
Қайд этилишича, солиқ маъмурчилиги доирасида омбордаги товарларнинг ҳисобини ва кодларини мажбурий юритиш, мулклар ҳамда ижара шартномаларини электрон рўйхатдан ўтказиш каби янги механизмлар бўйича жарима ва бошқа таъсир чоралари йил якунига қадар қўлланилмайди. Шунингдек:
- ўз эҳтиёжлари учун олиб келинган хом ашё, асбоб-ускуна, эҳтиёт қисмларга божхона имтиёзларини қўллаш даври ҳозирги 6 ойдан 1 йилгача узайтирилади;
- йил якунига қадар Россия, Украина ва Беларусь билан ишлаётган корхоналарга дебитор қарздорлиги учун жарима қўлланилмайди;
- ушбу мамлакатлар билан ишлаётган экспортчиларнинг банк кредитлари бўйича қарздорлиги узайтирилади, пеня ва жарималар ундирилмайди.
Таъкидланишича, кўплаб хорижий тадбиркорлар Ўзбекистонда ўз бизнесини бошлаш ёки ривожлантириш бўйича ташаббус қилган. Шу муносабат билан мутасаддиларга:
- бир ой муддатда Европа, Хитой, Ҳиндистон, Туркия, Корея, Япония компаниялари билан музокаралар ўтказиб, уларнинг ишлаб чиқариш занжирига қўшилиш бўйича амалий ишларни бошлаш, бу ишларга хориждаги элчиларимизни ҳам фаол жалб этиш;
- эркин иқтисодий зоналарда улгуржи савдо компаниялари фаолияти учун имконият яратиш ва уларга имтиёзлар бериш;
- 1 июлга қадар Навоий, Самарқанд, Тошкент вилояти ва 1 сентябрга қадар Бухоро ва Сурхондарёда қўшни мамлакатлар бозорига маҳсулот етказиб берувчи улгуржи савдо ҳудудини ташкил этиш топширилган.
Мавзуга доир:
- «Ҳоким ва прокурорлар қаёққа қараган?». Шавкат Мирзиёев бозорларда шакар нархи ошиб кетгани ҳақида гапирди
- Ўзбекистонда шакар, ун, ёғ, гўшт каби маҳсулотлар учун акциз солиғи ва божхона тўловлари пасайтирилиши мумкин
- Ўзбекистонда бош вазир бошчилигида кундалик ишлайдиган Республика штаби ташкил этилади
Изоҳ (0)