Qizil yo‘lakda milliy libosda namoyon bo‘lishni afzal ko‘radigan mashhur ayollar (foto)

Qizil yo‘lak uchun ko‘plab taniqli aktrisa, qo‘shiqchi va modellar dizaynerlik liboslarini tanlaydi. Ammo chiroyli bichimdan ko‘ra butunlay boshqacha – etnik naqshlar yoki mamlakatning an’anaviy timsoli aks etgan liboslar ko‘proq ko‘zga tashlanadi. Quyida ularning bir nechtasini e’tiboringizga havola etamiz. 

Priyanka Chopra, Hindiston 

Bollivudning mashhur aktrisasi ko‘pincha tantanali marosimlar uchun etnik uslubdagi liboslarni tanlaydi. Uni kinofestival yoki ijtimoiy tadbirlarda ko‘proq sari yoki kashta tikilgan liboslarda ko‘rish mumkin.

https://www.instagram.com/p/Bq9zIPDHZ1l/?utm_source=ig_embed&ig_rid=7c99ff90-40c5-402d-8138-3805088e3153

Priyankaning hayotidagi eng muhim kuni ham bundan mustasno emas. Aktrisa to‘y marosimida hind dizayneri Sabyasachining hashamatli libosini kiygan. Ushbu an’anaviy lexengu-cholini suratda ko‘rinib turgan san’at asariga aylantirish uchun 110 nafar kashtachi 3720 soat vaqt sarflagan.

Fan Binbin, Xitoy

Xitoylik aktrisa “Temir odam-3” va “X-odamlar: O‘tmishdagi kelajak kunlar” filmlari oqali tanilgan. Uning qizil yo‘lakdagi liboslarida an’anaviy ramzlarni topish mumkin.

Tiffani Xeddish, Eritreya

Aktrisa 2008-yil “Oskar” taqdirlash marosimi uchun Eritreya malikasining libosini tanladi. U buni shu millatga mansub otasiga qilingan hurmat, deb tushuntirdi. Otasi unga: “Bir kun kelib ‘Oskar’ni olasan. Shu kuni xalqingni hurmat qil”, deb aytgan. Aktrisa hamisha otasining so‘zlariga amal qilib kelgan. O‘sha yili “Emmi” marosimida u Eritreya bayrog‘idan ilhomlanib yaratilgan libosni kiygan edi.

Lupita Niongo, Keniya

“Biz” va “Qora pantera” filmlari bilan tanilgan aktrisa keniyalik bo‘lib, u qizil yo‘lak uchun yorqin naqshli kiyimlar va noodatiy bosh kiyimlar tanlash orqali obraz yaratadi.

Madalina Genea, Ruminiya

Madalina Genea – aktrisa va model, u Ruminiyada tug‘ilib, o‘z karyerasini Italiyada qurgan.  U ham Kann kinofestivalida dizaynerlik libosidan ko‘ra an’anaviy rumincha kofta tanladi. U bu libos yordami bilan unutilmas obraz yaratdi. Tarixda bu kabi ust kiyimni zodagon oila vakillari kiygan.

Nabila Kilani, Marokko 

Marokashlik jurnalist va teleboshlovchi 2019-yilda Marokash xalqaro kinofestivalining bir nechta tadbirlarida qatnashdi. Shu munosabat bilan u an’anaviy kaftanning zamonaviy versiyalarini, oltin va kumush iplar naqshlari bilan mohirona tikilgan uzun liboslarini kiydi.

Aya Ueto, Yaponiya

Aya Ueto – yapon estrada qo‘shiqchisi va aktrisasi. U ba’zan rasmiy marosimlarda kimono kiyadi. Masalan, 2008-yilda Tokio xalqaro kinofestivalining ochilish marosimida va 2014-yilda Los-Anjelesdagi “Malefisenta” filmining premyerasida milliy obrazda ishtirok etgan.

Ayshvariya Ray, Hindiston

Hindiston modeli va aktrisasi milliy libosni yaxshi ko‘rishi bilan mashhur. Uning garderobi qizil yo‘lakda kiygan ajoyib sari va lexenga-choli bilan to‘lgan.

https://www.instagram.com/p/B1MpDahpnmN/?utm_source=ig_web_copy_link

Shuningdek, kundalik hayotda, masalan, oilasi bilan vaqt o‘tkazish uchun ham an’anaviy liboslar kiyadi.

Rossi de Palma, Ispaniya

Mahoratli aktrisa Rossi de Palma Ispaniyada tug‘ilgan. Aktrisa va modelning ijtimoiy tadbirlar uchun tanlagan kiyim va aksessuarlarida ko‘pincha millatiga xoslikni topish mumkin. Ispaniya madaniyatida bu aksessuar nafaqat ayollar garderobining elementi, balki o‘z janobiga “maxfiy xabarlar” yuborishi mumkin bo‘lgan vosita sifatida ham ishlatilgan.

Anna Sherbinina, Rossiya

Anna Sherbinina – rus va fransuz aktrisasi. U Yekaterinburgda tug‘ilgan, hozir Parijda yashaydi. U o‘zining rus ildizlarini unutmaydi, ijtimoiy tadbirlarda va qizil yo‘lakda vaqti-vaqti bilan uni milliy ko‘rinishga ega kiyim va aksessuarlarda ko‘rish mumkin.

Meril Strip, AQSh

2016-yilgi Tokio kinofestivalida aktrisa qaysidir ma’noda yapon madaniyati bilan bog‘liq liboslarni tanladi. Ochilish marosimida u omad, sevgi va sadoqat, uzoq umr timsoli bo‘lgan turnalar tasviri tushirilgan Valentino libosida paydo bo‘ldi. O‘z filmiga bag‘ishlangan matbuot anjumani uchun esa aktrisa bir necha asrlar ilgari rohiblar kiygan milliy kostyum-shim — samueyni eslatuvchi libosni tanladi. Bugungi kunda ko‘plab yaponiyalik erkaklar va ayollar ularni dam olish uchun qulay kiyim sifatida tanlaydi.