Қимматбаҳо олтин ҳайкалча — кино саноатидаги ҳар қандай профессионалнинг орзуси. Бироқ мухлислар Америка Кино Академияси вақти-вақти билан мукофотсиз қолдирадиган севимли санъаткорларига чин дилдан ҳамдардлик билдиради. Гап ҳали «Оскар» учун саҳнага чиқмаган саккиз нафар иқтидорли актрисалар ҳақида кетмоқда. Албатта, улар яқин орада муваффақият қозониши шубҳасиз.
Сирша Ронан
Сирша Ронан катта кинодаги фаолиятини ёшлигидан бошлаган ва 28 ёшидаёқ у тўрт марта «Оскар»га номзод бўлган. Гарчи баъзи тақдирлаш маросимларида у томошабин ва танқидчиларнинг севимлиларидан бири бўлган бўлса-да, ҳанузгача бирорта ҳайкалчага эгалик қилмаган. Сирша 2020 йилда ҳам Грета Гервигнинг «Кичик аёллар» фильмидаги бош роли учун «Оскар» мукофотига номзодлардан бири бўлди.
Изабел Юппер
Франция муаллифлик киносининг юлдузларидан бири Пол Верховеннинг (2017) «У» фильмидаги роли учун фақат бир марта «Оскар» мукофотига номзод бўлган. Америка академиясининг мукофот бермаслиги актрисанинг Европа фестивалларининг ғолиби бўлишига тўсқинлик қилмайди: у Канннинг иккита кумуш ва Венеция кинофестивалида учта мукофотига эга.
Скарлетт Йоханссон
Скарлетт Йоханссон «Жожо лақабли қуён» ва «Бир никоҳ тарихи» фильмлари учун «Оскар»га фақат икки марта номзод бўлган. Шунга қарамай, Йоханссон Венеция кинофестивалида «Таржима қийинчиликлари» фильми учун мукофотга эга.
Кери Маллиган
Британиялик актриса Кери Маллиган икки марта «Оскар» мукофоти учун номзодлар рўйхатига киритилган ва 2021 йили ҳайкалчани қўлга киритиш учун яхши имкониятга эга бўлди. Унинг кутилмаганда Эмиралд Феннелнинг «Умид берувчи қиз» фильмидаги жасоратли роли Америка кино саноатининг танқидчилари ва арбоблари томонидан илиқ кутиб олинди, аммо Академияга Френсис МакДорманд маъқул келди.
Кирстен Данст
Кирстен Данст ушбу мукофот мавсумида аввал «Оскар»га номзод бўлмаган ягона актрисадир. У София Копполанинг кўплаб фильмларида рол ўйнаган ва Ларс фон Триернинг «Меланхолия» фильмидаги роли учун Каннда мукофотга сазовор бўлган. Лекин ушбу маросимда узоқ кутилган натижа актриса иштирокидаги «Ит қудрати»га насиб этди.
Эми Адамс
Рўйхатнинг рекордчиси Эми Адамс жами олти марта «Оскар»га номзод бўлган. Унинг иштирокидаги «Тиллақўнғиз, «Шубҳа», «Жангчи», «Уста» ва «Ҳукмронлик» фильмлари машҳурликка эришиб, Эмини Голливуд юлдузига айлантирди, аммо актриса ҳали «Оскар» билн тақдирланмаган. Бироқ «Олтин глобус» ҳайъати эътиборлироқ бўлиб чиқди ва актрисанинг фимдаги ролларини алоҳида таъкидлади.
Моника Белуччи
Голливуддаги энг гўзал аёл ва Италиянинг асосий актрисаларидан бири ҳеч қачон Америка Академияси мукофотига номзод бўлмаган. Бироқ Жузеппе Торнаторе, Гаспар Ноэ, Эмир Кустурица ва бошқа режиссёрлар фильмларидаги бош роллар аллақачон унинг профессионал мукофотидир.
Марго Робби
Австралиялик актрисанинг ижоди турли жанрларни қамраб олади, унинг карьерасида ҳам кассабоп блокбастерлар, ҳам мустақил драмалар мавжуд. Унинг қобилияти академиклар томонидан икки марта қайд этилган: Маргонинг «Тоня ҳаммага қарши» ва Жей Роучнинг «Можаро» фильмидаги роллари учун «Оскар» мукофотига номзодлиги қўйилган, аммо актриса ҳайкалчанинг ўзини ҳали қўлга киритмаган.
Изоҳ (0)