«Реал», «Ливерпуль» ва «Манчестер Юнайтед» Жуд Беллингҳемга қизиқиш билдирмоқда.
Ушбу грандлар «Боруссия Д»нинг 18 ёшли футболчисини ўз сафига қўшиб олиш истагида.
Англиялик ярим ҳимоячи дортмундликлар сафида яна бир мавсум қолмоқчи. У немис жамоасини ривожланиш учун яхши жой деб ҳисобламоқда. Футболчи учун кураш 2023 йилда авж олади. Беллингҳемнинг трансфер нархи 100 миллион еврони ташкил этади.
«Реал» Жудни Лука Модричга ўринбосар сифатида кўрмоқда.
Жуд Беллингҳем Goal нашри томонидан тузилган футбол оламидаги энг иқтидорли ёш футболчилар рўйхатига киритилган. Ундан ташқари «Боруссия Д» ярим ҳимоячиси FourFourTwo томонидан 19 ёшгача бўлган энг истиқболли футболчи дея эътироф этилган.
Беллингҳем жорий мавсум «Боруссия Д» сафида барча мусобақаларда 37 та ўйинда иштирок этиб, 6 та гол ва 12 та голли узатмага муаллифлик қилган.
Изоҳ (0)