АОКАда 28 март куни ўтказилган матбуот анжуманида «Ўзгидромет» мутасаддилари марказ томонидан 2021 йилда амалга оширилган ишлар бўйича маълумот берди. Бу ҳақда Гидрометеорология маркази хабар қилди.
Қайд этилишича, 2021 йилда иқлим ўзгаришининг салбий таъсирини камайтириш ва унинг оқибатларини юмшатишга йўналтирилган Гидрометеорология илмий-тадқиқот институти томонидан 2,4 миллиард сўм бўлган 3 та лойиҳа молиялаштирилган.
Гидрометеорология хизмати маркази 2022 йил I чорак давомида ҳокимият ва бошқарув органлари, иқтисодиёт тармоқлари ҳамда аҳолини режага мувофиқ гидрометеорологик маълумотлар билан ўз вақтида таъминлаган. Чорак давомида ҳақиқий ва кутилаётган об-ҳаво, республикадаги сув ресурслари ва қишлоқ хўжалиги экинлари ҳолати ҳақида билдиргилар, шарҳлар, маълумотномалар тузилган ва бошқарув органларига тақдим этилган. Тоғларда ёғингарчилик тўпланиши ҳақида маълумотномалар тайёрланган.
Натижада турли барвақтликдаги об-ҳаво прогнозлари ишончлилиги қисқа муддатли метеорологик 94 фоиз, ўрта муддатли метеорологик 90 фоиз, қисқа муддатли гидрологик 95 фоиз, узоқ муддатли гидрологик 75 фоизни ташкил этган.
Изоҳ (0)