Ўзбекистон ташқи қарзи 2021 йили 39,6 млрд долларни ташкил қилди, яъни 2020 йил билан солиштирганда 16 фоизга ёки 5,4 млрд долларга кўпроқ бўлди. Бу Марказий банк ҳисоботида қайд этилди (пдф).
Ташқи қарз давлат ҳиссасига ҳам, хусусий сектор ҳиссасига ҳам тўғри келади. Биринчиси 23,7 млрд долларни ташкил қилса, иккинчиси – 15,8 млрд доллар.
Давлат қарзи 11 фоизга ўсди. Асосий сабаб – жами 3,8 млрд доллар миқдорда қарз олиниши.
Хусусий секторники эса 24 фоизга ўсган. Унинг асосий қисми кредитлар ва банк қарзлари, нефть ва газ, энергетика ва тоғ-кон металлургия компанияларига тўғри келади.
2021 йилда 919,9 млн долларлик давлат қарзи ёпилган ва 370,9 млн долларлик фоизлар тўланган.
Хусусий сектор қарзлари бўйича тўловлар 4,5 млрд долларни ташкил қилиб, 523,3 млн доллар фоиз устамаларига тўғри келган.
Аввалроқ Ўзбекистон давлат қарзининг бир қисми сўмдаги қарзга ўгирилгани ҳақида хабар берилган эди.
Изоҳ (0)