2022 йилнинг январь ва февраль ойларида Ўзбекистонда ташқи савдо айланмаси 8,7 млрд долларни ташкил қилди. Бу Давлат статистика қўмитасининг ҳисоботида қайд этилди.
2021 йилнинг худди шу даври билан солиштирганда кўрсаткич 4 млрд долларга ёки 84,9 фоизга кўп. Ўзбекистон, одатдагидек, сотишдан кўра кўпроқ сотиб олади – экспорт ҳажми 4 млрд долларни, импорт эса 4,6 млрд долларни ташкил қилди.
Асосий савдо бўйича шерик Хитой бўлиб қолмоқда – 1,3 млрд доллар. Иккинчи ўринда 1,2 млрд доллар билан Россия, учинчи ўринни 620 млн доллар билан Қозоғистон эгаллаган.
Асосий экспорт товарлари – олтин (57,7 фоиз), саноат маҳсулотлари (17,8 фоиз) ва хизматлар (8,5 фоиз).
Асосий импорт товарлари – машина ва ускуналар (34,1 фоиз), саноат маҳсулотлари (19,8 фоиз) ва минерал ёқилғи (6,2 фоиз).
Уруш таъсири
Февраль ойида Украина уруши Ўзбекистон савдо-сотиғига ҳали таъсир қилмади – Россия билан ҳам, Украина билан ҳам экспорт-импорт ҳажми ўсди. Асосий таъсирлар бўлаётганини изоҳлаш учун, аниқ рақамларни март ойи тугаганида билиш мумкин.
Олтин экспорти кескин ошиб кетди
Ўзбекистон февраль ойида олтин савдосини кескин оширди. Бунинг натижасида олтиннинг умумий экспорт ҳажмидаги улуши 57 фоизни ташкил қилди.
Бу йил бошида мазкур металл нархи кескин ошгани ва Ўзбекистон учун уни бошқа мамлакатларга сотиш даромадли бўлгани билан изоҳласа бўлади.
Аввалроқ Ўзбекистон 2021 йилда нима сотгани ва сотиб олгани ҳақида хабар берилган эди.
Изоҳ (0)