Бугун,

  • USD 11095.31
  • RUB 173.84
  • EUR 10772.44

Канададаги озиқ-овқат супермаркетлари пештахталаридан Россияда ишлаб чиқарилган маҳсулотларни олиб ташлаш бошланди, деб хабар беради Глобе анд Mail газетаси.

Фото: SOPA Images

Фото: SOPA Images

Газета маълумотларига кўра, гап квас, кунгабоқар пистаси ва шоколадли зефир каби товарлар ҳақида кетмоқда. Бу каби қарор озиқ-овқат маҳсулотлари билан савдо қилувчилар томонидан кўплаб ҳудудларда рус ароғини сотишни тўхтатиш борасидаги қадамдан сўнг қабул қилинган.

Канаданинг Собейс, Сафеwай ва FreshCо каби озиқ-овқат тармоқларига эгалик қилувчи Empire Company Ltd. компанияси пештахталардан Россия маҳсулотларини март аввалида олиб ташлашни бошлаган. Метро Inc. компанияси ҳам шу каби йўл тутган. Нашрнинг қайд этишича, бу Россия иқтисодиётига жиддий таъсир кўрсатмаган.

Cомпаниэс Ltd. (Атлантиc Суперсторе, Доминион Сторес, Эхтра Foods ва ҳоказо) ретейлери ҳам Россия товаларини олиб ташламоқда ва улар қайта буюртма қилинмаслигини назоратга олган.

11 март куни АҚШ президенти Жо Байден Россиядан ароқ, бриллиантлар ва денгиз маҳсулотларини импорт қилишни тақиқлади. Бу каби чоралар Россияга қарши навбатдаги санкциялар пакети доирасида қабул қилинган.

Кейинроқ Буюк Британия Россиядан импорт қилинаётган қатор товарларга 35 фоизли қўшимча тарифларни жорий этди. «Россия ароғи — кўтарилган таърифлар таъсир қилган таниқли маҳсулотлардан бири, шу билан бирга, ҳашаматли автомобиллар, мода ва санъат асарлари намуналарининг импорти ҳам тез орада тақиқланади», — дейилганди хабарда.

Изоҳ
Asosiy yangiliklar
Дунё
Украина 2 та аэродромга дронлар билан зарба беришга уринди — Россия Мудофаа вазирлиги
Маҳаллий
Ўзбекистонда ноябрь ойида қанча чақалоқ туғилгани маълум бўлди
Маҳаллий
«Меҳнати кўп бўлса-да, маоши кам, олган пули ҳалол бўлсин». Жамоатчилик электр монтёрларни олқишламоқда