Бор-йўғи 30 дақиқада тайёр бўладиган мазали печенье репцепти

Бир неча маҳсулотдан қисқа вақт ичида печенье тайёрлаб кўринг. Ширинликнинг таъми оғизда қолиши табиий.

Керакли маҳсулотлар:

• ун – 300 грамм;
• туз – 1 чой қошиқ;
• шакар – 50 грамм;
• сариёғ – 150 грамм.

1. Печ аввалдан 180 даражада қиздирилади ва пишириқ қолипига пергамент қоғоз солинади.
2. Идишга ун, туз ва шакар солиб аралаштирилади.
3. Хамир қум кўринишида бўлгунга қадар сариёғ ҳам қўшилиб, яхшилаб уваланади.
4. Аста-секин хамир қорилади.
5. Хамир юзасига бироз туз ва шакар сепилади.
6. Сўнгра турли хил шакллар кесиб олинади ва санчқи ёрдамида безак бериш мумкин.
7. Хамир қизаргунга қадар 30 дақиқа давомида пиширилади.
8. Тайёр бўлгач ширинликлар хона ҳароратида совутилади.