Икки хил одамлар бор: нонушта қилишни яхши кўрадиганлар ва ёмон кўрадиганлар. Кунни қандай бошлашингиз соғлиғингизга, жумладан, сурункали касалликларнинг бошланиши ёки кучайишига таъсир қилиши мумкин.
Нонуштадан олдин бир чашка қаҳва
Уйғонганингиздан сўнг биринчи навбатда кофе ичишингиз мумкин бўлса-да, нонушта қилингунга қадар кутганингиз маъқул. Бат университети томонидан 2020 йилда ўтказилган тадқиқот шуни кўрсатдики, эрталаб оч қоринга қора қаҳва ичиш қондаги шакар миқдорига салбий таъсир кўрсатиши, диабет ва юрак касалликларини юзага келтириши мумкин.
Нонушта қилмаслик
Нонуштани ўтказиб юбориш метаболизмга таъсир қилиши мумкин. Journal of Clinical Endocrinology and Metabolism журналида 2020 йилда чоп этилган тадқиқот шуни кўрсатдики, тўйимли кечки овқатдан кўра яхши нонуштани афзал кўрган иштирокчилар кун давомида деярли икки баравар кўп калория сарфлашган. Паст калорияли (юқори калорияли нонушта ўрнига) нонушта қилган иштирокчиларда очлик ҳисси кучайган айниқса, ширинликларга нисбатан. Буларнинг барчаси семизлик хавфи билан боғлиқ бўлиб, умр кўриш давомийлигини 14 йилгача қисқартириши мумкин.
Нонуштага шарбат
Нонуштага киритилган бир стакан шарбат 2-тоифа диабет хавфини ошириши мумкин. 2019 йилда Diabetes Care журналида чоп этилган тадқиқот шуни кўрсатдики, кунига 100 фоиз мева шарбати ичишни ½ стаканга кўпайтириш диабетга чалиниш хавфини 16 фоизга оширади. Тадқиқотчилар шарбат ўрнига клетчаткани ўз ичига олган бутун мева истеъмол қилишни таклиф қилишади.
Дориларга тўсқинлик қиладиган ичимликлар
Агар нонуштада бир стакан янги сиқилган грейфурт шарбатини ичишни яхши кўрсангиз, дори қабул қилганингизда ичмаган маъқул. Озиқ-овқат ва фармацевтика бошқармаси грейфурт шарбати дори воситалари билан ўзаро таъсирлашиши ва қон оқимига кирадиган таркибни ўзгартириши мумкинлигини аниқлади. Бундан ташқари, бир қатор озиқ-овқат ва дорилар ҳам витамин истеъмолига халақит бериши мумкин.
Изоҳ (0)