Россия президенти Владимир Путин санкциялар шароитида иқтисодиётни қўллаб-қувватлаш мақсадида инқирозга қарши солиқ чора-тадбирлари тўғрисидаги қонунни имзолади.
Қонунда қуйидаги чора-тадбирларни амалга ошириш кўзда тутилган:
- 2021–2023 йилларда Россия банкларидан олинган фоиз даромадларини жисмоний шахсларнинг даромад солиғидан озод қилиш;
- банкротлик ва тугатилиш жараёнидаги барча солиқ тўловчиларга нисбатан ҚҚС ўрнини тўлдириш тартибини жорий этиш;
- транспорт солиғидаги кўтарилган коэффициентни фақат 10 миллион рублдан қиммат автомобилларга нисбатан татбиқ қилиш;
- 2022–2024 йилларда IT-компаниялар даромадига нисбатан нол солиқ ставкаси белгиланмоқда.
8 март куни Путин санкциялар шароитида инқирозга қарши чора-тадбирларни амалга оширишга доир бошқа бир қонунни имзолаганди. Ҳужжат билан ҳукуматга қўшимча суғурта пенсияларини индексация қилиш ҳуқуқи тақдим қилинган.
17 мартда Россия бош вазири Михаил Мишустин Вазирлар маҳкамаси томонидан фуқаролар ва бизнесни қўллаб-қувватлаш, ижтимоий тўловларни, шунингдек аҳоли кун кечириши учун зарур бўлган энг оз миқдор ҳамда меҳнатга ҳақ тўлашнинг энг кам миқдорини ошириш юзасидан ишлар амалга оширилаётганини билдирган.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)