Ижтимоий тармоқларда Жиззах вилояти Ғаллаорол туманида 3 метрлик илон чиққани ҳақида хабарлар тарқалди. Telegram’даги «Экологуз» канали ҳолат бўйича маълумот берди.
Қайд этилишича, Telegram-канал тарқалган хабарлар юзасидан Жиззах вилоят Экология ва атроф-муҳитни муҳофаза қилиш бошқармаси матбуот хизмати котиби Замира Абдуллаева билан боғланиб, маълумотга ойдинлик киритган. Унга кўра, бу турдаги илонлар Ўзбекистон ҳудудида учрамайди. Видео ва суратлардаги питон илони Ғаллаорол тумани «Олимлар» маҳалласи ҳудудидаги очиқ майдонга сел билан оқиб келган ва чўпонлар томонидан топилган.
«Илон қаерда ва ким томонидан сувга ташлангани ҳақидаги тўлиқ маълумотлар бўйича қўшимча хабар берилади«, — дейди ахборот хизмати раҳбари.
Изоҳ (0)