Бугун,

  • USD 11095.31
  • RUB 173.84
  • EUR 10772.44

Қашқадарё вилоятининг Миришкор туманида содир бўлган йўл-транспорт ҳодисаси оқибатида тўрт киши ҳалок бўлди, деб хабар беради вилоят ИИБ ахборот хизмати.

Фото: Telegram / «Мухбир Далиев»

Фото: Telegram / «Мухбир Далиев»

Маълум қилинишича, 19 март куни соат тахминан 08:00 ларда Миришкор тумани Женов қишлоғида яшовчи Н.Д. Lacetti автомашинаси билан Қарши—Бешкент—Касби—Косон 4Р90 йўналишида ҳаракатланиб кетаётиб, ЙТҲга учраган. У Қарши тумани Ширкент қишлоғи йўлининг 20 километрида, шу йўналишда фуқаро Р.З. бошқариб кетаётган Nexia-3 автомашинасини қувиб ўтмоқчи бўлиб, мазкур автомашинанинг чап томонига тўқнашган ва йўлнинг ўнг чет пастки қисмидаги дарахтларига бориб урилган.

Оқибатда Lacetti автомашинасида йўловчи сифатида кетаётган Р.Фа., Р.С., Р.Фе. ва Э.Р. тан жароҳати олиб, вафот этган. Nexia-3 автомашинасида бўлган йўловчи Ж.М ва Lacetti автомашинаси ҳайдовчиси Д.Н. тан жароҳатлари билан шифохонага жойлаштирилган.

Фото: Telegram / «Мухбир Далиев»

Фото: Telegram / «Мухбир Далиев»

Мазкур ҳолат юзасидан Қарши туман ИИБ ҳузуридаги Тергов бўлими томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 3-қисми «а» банди билан жиноят иши қўзғатилиб, дастлабки тергов ҳаракатлари олиб борилмоқда.

Миришкор тумани ҳокимлиги ахборот хизмати раҳбари Азизбек Яздурдиевнинг «Дарё» сўровига асосан маълум қилишича, ҳалок бўлганларнинг уч нафари ака-ука (31, 33 ва 36 ёшда), яна бири (31 ёш) уларнинг қариндоши бўлган.

Туман ҳокимлиги томонидан ака-укаларнинг жаноза маросимлари учун 11 миллион сўм, яна бир марҳумнинг оиласига 4 миллион сўм берилган.

Аввалроқ Жиззахда Kia K5 ва Nexia тўқнашуви оқибатида 8 киши вафот этгани тўғрисида хабар берилганди.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди