Давлат хизматлари агентлиги Самарқанд вилоят бошқармасининг Иштихон туман Давлат хизматлари маркази катта мутахассиси Р.Б. пора билан ушланди, деб хабар бермоқда ЎзА.
Маълум қилинишича, 1995 йилда туғилган Р.Б. хизмат ваколатидан фойдаланган ҳолда Каттақўрғон туманида яшовчи фуқаро Р.Ш. билан жиноий тил бириктирган ҳолда тумандаги масъулияти чекланган жамиятга тегишли бўлган ер майдони ҳудудида тикувчилик ҳамда пишириқ ишлаб чиқариш цехлари қуриш учун ҳужжатларни расмийлаштириб бериш эвазига маҳаллий фуқародан 12 минг доллар талаб қилган.
Келишилган маблағдан 6 минг долларни пора тариқасида олаётган вақтида ДХХ Самарқанд вилояти бошқармаси, иқтисодий жиноятларга қарши курашиш департаменти вилоят бошқармаси ҳамда вилоят ИИБ ходимлари ҳамкорлигида ўтказилган тезкор тадбирда ашёвий далиллар билан қўлга олинган.
Ҳозирда ушбу шахсларга нисбатан жиноят кодексининг тегишли моддалари билан жиноят иши қўзғатилиб, суриштирув ҳаракатлари олиб борилмоқда.
Изоҳ (0)