Davlat xizmatlari agentligi Samarqand viloyat boshqarmasining Ishtixon tuman Davlat xizmatlari markazi katta mutaxassisi R.B. pora bilan ushlandi, deb xabar bermoqda O‘zA.
Ma’lum qilinishicha, 1995-yilda tug‘ilgan R.B. xizmat vakolatidan foydalangan holda Kattaqo‘rg‘on tumanida yashovchi fuqaro R.Sh. bilan jinoiy til biriktirgan holda tumandagi mas’uliyati cheklangan jamiyatga tegishli bo‘lgan yer maydoni hududida tikuvchilik hamda pishiriq ishlab chiqarish sexlari qurish uchun hujjatlarni rasmiylashtirib berish evaziga mahalliy fuqarodan 12 ming dollar talab qilgan.
Kelishilgan mablag‘dan 6 ming dollarni pora tariqasida olayotgan vaqtida DXX Samarqand viloyati boshqarmasi, iqtisodiy jinoyatlarga qarshi kurashish departamenti viloyat boshqarmasi hamda viloyat IIB xodimlari hamkorligida o‘tkazilgan tezkor tadbirda ashyoviy dalillar bilan qo‘lga olingan.
Hozirda ushbu shaxslarga nisbatan jinoyat kodeksining tegishli moddalari bilan jinoyat ishi qo‘zg‘atilib, surishtiruv harakatlari olib borilmoqda.
Izoh (0)