Жонсон бошқа давлатлардан Путин билан муносабатларни яхшиламасликни сўради

Мамлакатлар Россия президенти Владимир Путинга нисбатан «реал сиёсат»ни олиб бормаслиги ва муносабатларни қайта тиклашга уринмаслиги зарур. Бу ҳақда Буюк Британия бош вазири Борис Жонсон Консерватив партиянинг қурултойида маълум қилди, деб ёзмоқда The Guardian.

«Дунёда зулмкор кучлар билан муроса қилишга уринмаган маъқул. Мен улар қаттиқ адашяпти деб ҳисоблайман», — деган Жонсон.

Унинг сўзларига кўрам, Путин билан муносабатларни 2014 йилда Қрим билан боғлиқ воқеалардан кейин бўлгани каби меъёрга келтириш энди қийин кечади.

Бундан ташқари, Жонсон Россия Украинадаги махсус операцияни муваффақиятли якунласа, дунёни, хусусан, Болтиқдан Қора денгизгача ҳудудларда «янги таҳдидлар даври» бошланишини таъкидлади. Мазкур сценарийда Грузия ва Молдова мустақиллиги, шунингдек Шарқий Европа хавф остида қолиб кетади.

«Бу дунё учун бурилиш нуқтаси бўлади. Озодлик ва истибдод ўртасидаги танлов вақти келади», — дея қўшимча қилган сиёсатчи.

Жонсон партия мажлисида украиналикларга ҳамдардлик билдирди ва Путин махсус ҳарбий операцияни бошлаб «фалокатли хатога йўл қўйганини» қайд этди.

Россия 24 февралда Украинада махсус ҳарбий операциялар бошлаганини эълон қилган. Киев мамлакатда фавқулодда ҳарбий ҳолат эълон қилди ва Москва билан дипломатик муносабатларни узди. Томонлар февраль охири март бошидан буён низони ҳал этиш юзасидан музокаралар олиб бормоқда.

18 мартда Россия делегацияси раҳбари Владимир Мединский Москва ҳамда Киев Украинага бетарафлик мақомини бериш, унинг НАТЎга аъзо бўлмаслиги кафолатлари ва бошқа асосий муаммоли масалалар бўйича максимал даражада муросага яқинлиги, Киевнинг хавфсизлик кафолатлари музокаралардаги оғир масалалардан бири эканини билдирган.

Украина делегацияси аъзоси Михаил Подоляк 19 март куни музокараларнинг яна бир неча ҳафта давом этиши мумкинлиги ва ҳуқуқий масалаларни ҳал этишга ундан-да кўпроқ вақт кетиши ҳақида гапирган.

Путин 18 март куни Қримнинг Россия таркибига қўшилганини нишонлаш учун ташкиллаштирилган концертда яриморол бошқа давлат ихтиёрида қолдиқ маблағлар ҳисобидан молиялаштирилиши оқибатида аҳволи оғир бўлгани ва уни ушбу ҳолатдан олиб чиқилганини таъкидлаган.

Путиннинг айтишича Қрим аҳолиси Россия фойдасига қарор қабул қилиб, неонацистлар ва ашаддий миллатчиларнинг йўлига тўсиқ қўйган. Россия президенти Донецк ва Луганскдаги одамлар ҳам Киевдаги сиёсатдан қониқмагани ва оқибатда ҳарбий ҳаракатлар бошланиб кетганини айтган. Путин Донбассдаги ҳарбий операциянинг асосий мақсади аҳолини геноцид ва азоб-уқубатлардан қутқариш эканлигини такрорлаб ўтган.