Тошкент вилоятида президентнинг махсус фармони билан ажратилган ерни 800 минг долларга сотишга уринган шахслар ушланди, деб хабар беради ЎзА.
Маълум қилинишича, Тошкент вилоятида яшовчи икки шахс (1964 ва 1970 йилларда туғилган) тадбиркорлик билан шуғулланмоқчи бўлган фуқаронинг ишончига кириб, ўзларига тегишли бўлмаган 4 гектар ерни унга 800 минг долларга сотишга келишган. Улар олдиндан 100 минг доллар олган вақтларида Давлат хавфсизлик хизмати ва Иқтисодий жиноятларга қарши курашиш департаментининг ҳудудий бошқармалари ходимлари томонидан ушланган.
Таъкидланишича, мазкур ер майдони президент фармонига мувофиқ, 2021 йил маҳаллий МЧЖга инвестиция киритиш шарти асосида кўп қаватли турар-жойлар, коттежлар ҳамда маданий ва маиший хизмат кўрсатиш шохобчалари қуриш учун Бўстонлиқ тумани ҳудудидан ажратиб берилган.
Аввалроқ Андижон ва Хоразм вилоятларида фуқароларга ер олиб бериш учун жами 17,2 минг доллар олган шахслар ушлангани, Бухорода ўғлининг номидаги 7,4 гектар ерни ноқонуний равишда 84 минг долларга сотишга уринган шахс қўлга олингани, Тошкент туманида ҳокимлик захирасидан 14 сотих ерни 8 минг доллар эвазига олиб беришни ваъда қилган шахс ушлангани тўғрисида хабар берилганди.
Мавзуга доир:
- Тошкент вилоятида ижарадаги 30 сотих ерни қарийб 340 млн сўмга сотган шахслар ушланди
- Самарқандда ўрмон хўжалигига тегишли 4 гектар ерни 30 минг долларга сотишга уринган адвокат ушланди
- Тошкент вилоятида 13,7 гектар ерни 3,4 млн долларга сотмоқчи бўлган инвестициялар ва ташқи савдо бошқармаси ходими ушланди
Изоҳ (0)