Бугун,

  • USD 11095.31
  • RUB 173.84
  • EUR 10772.44

«Ўзбекнефтгаз» АЖ бошқаруви раиси Меҳриддин Абдуллаев бошчилигидаги делегация Лондондаги ташрифи давомида йирик халқаро банклар раҳбарияти билан учрашувлар ўтказиб, ўзаро ҳамкорлик масалаларини муҳокама қилди.

Жумладан, бошқарув раиси бошчилигидаги делегация аъзолари Mitsubishi UFJ, Landesbank Baden-Wuerttemberg, JPMorgan Chase&Co. раҳбарияти билан учрашиб, кўпгина молиявий масалалар юзасидан фикр алмашишди.

Учрашувларда банклар вакилларига жамиятнинг умумий фаолияти, мавжуд трансформация жараёнлари ҳамда сўнгги йилларда эришилган натижалар ҳақида батафсил ахборот берилди.

Япониядаги энг йирик молиявий гуруҳ ва дунё банклар рейтингида кучли ўнликда саналадиган Mitsubishi UFJ, Global Finance журнали ўтказган сўровномага кўра, 2015 йилнинг энг яхши корпоратив банки деб топилган. Албатта, бундай нуфузи баланд банк билан ҳамкорлик қилиш жамиятнинг молиявий ҳолати мустаҳкамланишига ҳисса қўшиши шубҳасиздир.

Шу сабабли, 2011 йилдан буён глобал тизимли аҳамиятга эга Mitsubishi UFJ банки билан ўзаро ишончли ҳамкорлик масаласи муҳокама қилинди.

Лондондаги ташриф учрашувларга бой бўлди ва Landesbank Baden-Wuerttemberg универсал тижорат банки раҳбарияти билан ўтган учрашувни ҳам алоҳида таъкидлаш лозим.

Германиянинг ушбу йирик банки вакиллари ҳам «Ўзбекнефтгаз» АЖнинг сўнгги йилларда эришган натижаларини эътироф этишди. Шуни таъкидлаш керакки, «Ўзбекнефтгаз» АЖнинг 700 миллион АҚШ доллари миқдоридаги еврооблигацияларни Лондон биржасига жойлаштирилганини муваффақиятли ҳаракат деб баҳолашди.

Учрашувда томонлар «Ўзбекнефтгаз» АЖ лойиҳаларини амалга ошириш ва бошқа корпоратив мақсадлар учун ўрта муддатли молиялаштиришни жалб қилиш имкониятларини муҳокама қилдилар.

Лойиҳаларни молиялаштириш имкониятларини муҳокама қилишдан ташқари, Европа экспорт кредит агентликларидан узоқ муддатли суғурта қопламаларини жалб қилиш йўллари ҳам ўзаро ўрганилди.

JPMorgan Chase&Cо. АҚШнинг йирик банкларидан бири ҳисобланиб, ушбу банк билан ҳамкорлик қилиш муҳим ҳисобланади. Ўзаро учрашувда томонлар касбий тажриба алмашишнинг истиқболли йўналишларини, шу жумладан, турли конференциялар ва семинарлар орқали амалга оширилаётган лойиҳаларни ва компаниянинг турли хил корпоратив эҳтиёжларини қисқа муддатли молиялаштиришни жалб қилиш имкониятларини муҳокама қилдилар.

Юқорида қайд этилган барча банклар билан доимий алоқа ва ахборот алмашинувини таъминлаш бўйича келишувга эришилди, шунингдек, ҳамкорликнинг барча истиқболли йўналишларини ишлаб чиқишга келишиб олинди.

«Ўзбекнефтгаз» АЖ матбуот хизмати

Изоҳ
Asosiy yangiliklar
Дунё
Илон Маск Twitter’да Apple рекламалари тикланганини эълон қилди
Дунё
Туркиянинг Kizilelma қирувчи дрони илк парвозни амалга оширди (видео)
Дунё
Хитой Россияга ҳарбий ёрдам кўрсатдими?