Пойабзалларни эҳтиёткорлик ва маҳорат билан танласангиз ҳам вақт ўтиши билан уларда яширин нуқсонлар пайдо бўлиши мумкин. Кўп ноқулайликларни келтириб чиқарадиган муаммолардан бири бу — юраётганда пойабзал ғижирлашидир. Баъзи ҳолларда шбу муаммони пойабзал таъмирлаш устахонасига мурожаат қилмасдан ўзингиз ечишингиз мумкин.
Ғижирлаган оёқ кийимларини нима қилиш керак?
Пойабзал танлашда диққатлироқ бўлсангиз, биринчи марта кийиб кўргандаёқ ғижирлаган товуш чиқяптими, йўқми аниқлаш мумкин. Аммо кўпинча уларни харид қилиб, кия бошлаганингиздан кейингина ғижирлай бошлайди.
Қандай қилиб пойабзал ғижирлашидан қутулиш мумкин?
Ғижирлаган оёқ кийимлардан чиқаётган товушнинг сабабини аниқлаш орқали муаммони ҳал қилиш мумкин. Бунинг учун турли сиртларда — плита, линолеум, асфальт, ёғоч пол устида юриб кўринг. Эътиборли бўлиб, ғижирлаш пойабзал чарми ёки тагликдан чиқаётганини аниқлаш лозим.
Агар оёқ кийим турли юзаларда юриш пайтида ғижирласа, муаммо тагликда эмас, балки чармда бўлиши мумкин. Товуш фақат баъзи сиртлардагина пайдо бўлса, катта эҳтимол билан тагликка аҳамият беринг.
Агар бунга таглик сабаб бўлса, уни ташқари ва ичкаридан чаканда ёки зайтун ёғи билан мойланг. Бунда ўсимлик мойидан фойдаланиш тавсия этилмайди, чунки кейинчалик пойабзалда ёқимсиз ҳид пайдо бўлиши мумкин. Тагликни фен билан қиздиринг ва асталик билан ёғланг, кейин қуритишга қолдиринг.
Агар товушнинг сабаби пойабзал чарми бўлса, пойабзал юзасини худди шу кастор ёғи ёки пойабзал муми билан намлашга ҳаракат қилинг. Товушни бутунлай йўқ қилиш учун ҳар бир процедурадан сўнг мойнинг сиртга тўлиқ сингиб кетишига имкон бериш лозим. Буни икки ёки уч марта бажаришга тўғри келиши мумкин.
Мавзуга доир:
- Ҳар қандай образни осонгина бузиши мумкин бўлган кийинишдаги майда деталлар
- Исталган кийимга мос тушадиган ҳамда сарфланган пулни оқлайдиган оёқ кийимлар (фото)
- 2022 йилнинг баҳор мавсумида пул сарфлаш тавсия этилмайдиган оёқ кийим моделлари (фото)
- Ҳар бир аёл этик танлашда йўл қўядиган қўпол хатолар
Изоҳ (0)