Кераксиз буюмлар йиллар давомида сезилмас тарзда тўпланади. Ошхона жавонлари ва шкафлардаги бўш жойнинг асосий улушини ташлаб юбориладиган нарсалар эгаллайди.
AdMe нашри қайси уй-рўзғор буюмларини ташлаб юбориш ёки замонавийроқлари билан алмаштириш кераклиги ҳақида маълумот беради.
Ошхона анжомлари учун таглик
Дастлаб бундай таглик ғояси жуда зўр эди: сув пичоқдан вертикал ҳолатда оқарди. Қуригандан сўнг, уларни дарҳол шкафга солиб қўйиш кифоя эди. Аммо амалда таглик тез-тез моғорлай бошлади, қурилма қулай бўлса-да, унинг ичида микроблар кўпайиш эҳтимоли кўп .
Соус идиши
Соус идиши гарчи чиройли кўринишга эга бўлса-да, жавонда қўшимча жой эгаллайди. Бундай идишдан энг кенг тарқалган соус — кетчупни қуйиш ҳам ноқулай. Бундан ташқари, кўпинча пакетдаги тайёр соуслар ишлатилади.
Совуткич жавонидаги соуслар
Совуткични текшириб кўринг — шубҳасиз, унинг эшигида жойлашган соуслар олинганига йиллар бўлмаса-да, ойлар бўлгандир. Камдан кам ҳолларда соусларнинг сақлаш муддатига эътибор берилади, аслида очилган идиш 1 ойдан 6 ойгача сақланиши мумкин.
Қисқичли кийим илгичлар
Дўкон жавонлари турли хил кийим илгичлар билан тўла: ёғоч, пластмасса, темир. Шим осиб қўйиш мумкин бўлган алоҳида қисқичли кийим илгичлар ҳам бор. Бундай қисқичлар матода из ва бурмаларни қолдиради, кейин уларни кеткизиш қийин. Мутахассислар шимларни оддий илгичга осиб қўйишни тавсия қиладилар.
Маиший техника қутилари
Одатда уй-рўзғор буюмлари учун кафолат 1-3 йил ичида тугайди, лекин уларнинг қутилари йиллар давомида шкафда жой эгаллайди. Дарҳақиқат, уларни умуман сақлаш шарт эмас — кафолат шартларини ўқинг. Кўпгина ишлаб чиқарувчилар қурилмаларни қадоқ қутиларисиз қабул қилади, кафолат талонининг ўзи етарли.
Ҳаммомдаги жавон
Ювиниш хонасидаги жавон тезда тоза кўринишини йўқотади, занглайди ва фақат беҳуда жой эгаллайди. Агар сизга бундай буюм керак бўлса, пастки қисмида тешиклари бўлган пластмассадан фойдаланган маъқул: уни олиш ҳам, ювиш ҳам осон. Косметикаларни иложи борича ҳаммомда сақламанг: иссиқлик ва намлик таъсирида ҳолати ёмонлашади.
Ошхона сочиғи
Ошхона сочиғини бир неча кунда, иложи бўлса кунора ўзгартириш керак. Бундай буюмда бактериялар кўп бўлади Сочиқ билан нафақат нам қўллар, балки ҳамма нарса: стол, бошқа юзалар, идишлар артилади. Бунинг ўрнига, бир марта ишлатиладиган мато ва қоғоз сочиқлардан фойдаланган яхши.
Металл губка
Авваллари металл губка ошхонада ажралмас ёрдамчи эди. Бу кострюлкалар ва идишларни тозалашни осонлаштиради. Аммо энди дўконда ёғ кеткизадиган бошқа воситалар кўп. Бундай металл буюмлар кострюлкаларнинг нозик қопламасини чизиб, бузади.
Изоҳ (0)