Печни тозалаш ҳар доим кейинроқ қолдириладиган энг зерикарли нарсалардан биридир. Натижада, ёғ ва кир тўпланади ва печ ёқилганда, товуқ ёки пирог пиширилганда, ўзидан ёқимсиз ҳид чиқара бошлайди.
Кимёвий моддалари билан тозалаш
Печни тозалашни осонлаштириш учун, аввало, ҳароратни 15-20 дақиқа давомида тахминан 50 даражага қўйиб, уни иситиш керак. Ҳеч нарса халақит бермаслиги учун унинг ичини бўшатиш лозим. Печни кимёвий моддалар билан тозалашда резина қўлқоп кийиш ва ойнани очишни унутмаслик муҳим. Кимёвий моддалар кучли ҳидга эга. Маҳсулотни иситиш элементлари ва вентиляторига қўлламаслик керак, чунки бу печга зарар етказиши мумкин. Шунингдек, печ эшигидаги резина қистирмаларга туширмасликка ҳаракат қилиш тавсия этилади.
Уй шароитида печни қандай тозалаш керак?
Тозалаш керак бўлган жойларга восита сепилади ва муддатидан олдин ишқаланмайди. Печ геллари одатда 30 дақиқа ичида натижага эришади. Шунинг учун уни ёпиб, ярим соат давомида кутиш керак. Маҳсулотдан фойдалангандан сўнг кимёвий моддаларнинг ҳидини йўқотиш учун печни яхшилаб ювиш тавсия этилади. Тозалангандан кейин печни бир неча соат давомида ишлатиш мумкин эмас.
Печ ва газ плитасини сирка билан қандай тозалаш керак?
- Дастлаб сиртдан майдаланган ва куйган озиқ-овқат қолдиқлари олиб ташланади. Бу ҳар қандай эски пластик карта ёки оддий қошиқ ёрдамида амалга оширилиши мумкин.
- Сиркани сода билан 1: 2 нисбатда аралаштирилади, озгина идиш ювиш воситаси ва сув қўшилади.
- Олинган аралашма билан печнинг деворлар қаттиқ чўтка ёки губка билан артилади.
- Идишларни ювиш воситаси ўрнига сувда суюлтирилган (тахминан 25 грамм) кир ювиш совунини ҳам ишлатиш мумкин. Олинган аралашма печнинг деворларига суртилади ва бир неча соатга қолдирилади.
- Истеъмол содаси печ ойнасида 40 дақиқага қолдирилса, шиша эшигидаги ёғ қолдиқларини олиб ташлашга ёрдам беради.
- Бундан ташқари, печнинг деворларини сирка билан артиб, устига сода сепиш мумкин. Ўзаро таъсирлашганда, водород ҳосил бўлади, бу юзадан ёғни тозалашга ёрдам беради.
- Тезроқ яхши натижага эришиш учун истеъмол содасига лимон кислотаси ва сирка қўшиш мумкин.
- Ушбу усул учун иккита идиш керак бўлади.
- Печни 70 даражага олдиндан қиздирилади ва кейин ўчирилади.
- Қайноқ сув билан тўлдирилган идишни печнинг юқори қисмига ва пасткисига бошқасига нашатир спиртли аралашма қўйилади.
- Иккала идиш ҳам бир кечага печда қолдирилади.
- Эрталаб улар олиб ташланади, нашатир спирти солинган идишга илиқ сув ва идиш ювиш воситаси қўшилади ва печ эритма билан артиб олинади.
Ёғли таомларни пишираётганда фольга ёки пишириш қоғози ёрдамида печга ёғ сачрашининг олдини олиш мумкин.
Пиролиз функциясига эга печ моделларини ювиш керак эмас, қурилмада ўзини ўзи тозалаш функциясини ёқилса, озиқ-овқат ва ёғ қолдиқлари юқори ҳароратда эрийди ва бу вақтда печ эшигини очиб бўлмайди.
Изоҳ (0)