Ун маҳсулотини узоқ сақлаш мумкинлигига қарамай, бу маълум шартларни талаб қилади. Қуйида тақдим этиладиган энг оддий усуллар билан танишиб чиқинг ва қоидаларга амал қилинг.
Тўғри харид
Кўпинча ун маҳсулоти ёпиқ қадоқларда сотилади ва маҳсулотни текширишнинг имкони бўлмайди. Фақат қадоқнинг яхлитлигини, унда моғор йўқлигини, чиқарилган сана ва сақлаш муддатини текшириш қолади. Агар қадоқ очилгач, маҳсулот таъмида аччиқлик сезилса, демак у узоқ вақт давомида нотўғри сақланган.
Маҳсулот сотиб олаётганда, яқин атрофда, масалан, зираворлар каби кучли ҳидли маҳсулотлар бор-йўқлигига эътибор бериш лозим. Буғдой, гуруч, зиғир уни ва бошқа маҳсулотлар, албатта, бегона ҳидларни ўзлаштиради, бу эса унинг таъмини бузади.
Уй учун контейнер
Асосийси қадоқ очилганидан сўнг унда маҳсулотларни сақлаш энди мумкин эмас. Энг яхши сақлаш йўли ҳаво ўтказмайдиган қопқоқли шиша идишдир. Бу идиш ёки контейнер бўлиши мумкин. Агар бундай идишларни оғир, катта ҳажмли ва ноқулай бўлса, маҳкамроқ жойлаштириш учун қопқоғида резина қистирмалари бўлган пластик идишдан фойдаланиш мумкин.
Зиғир матодан тикилган халталар қуритилган мевалар ва қўзиқоринларни, кракер ҳамда нонни сақлаш учун жуда мос келади. Чунки бундай халталар озиқ-овқат маҳсулотларининг нафас олишига имкон берувчи табиий материалдир, маҳсулотлар моғорламайди ва уларда тирик мавжудотлар пайдо бўлмайди. Улардан фойдаланиш осон ва кам жой эгаллайди. Кўп миқдорда маҳсулот зиғир халталарида ёки қалин қоғоз қопларда яхши сақланади.
Қаерга қўйиш керак?
Агар маҳсулот оз миқдорда сақланса, идишларни ўзига хос ҳидли маҳсулотлардан узоқроқда, ёпиқ шкафда пастки жавонларга қўйиш мумкин. Маҳсулотни музлаткичнинг сабзавот бўлимида сақласа ҳам бўлади.
Агар кейинчалик фойдаланиш учун кўп миқдорда ун сақланса, унда хона етарлича қоронғи, қуруқ ва салқин бўлиши керак. Ҳарорат 15 даражадан ошмаслиги лозим. Бу, масалан, омборхона бўлиши мумкин.
Балконда ун маҳсулотини сақлаш мумкинми? Балконда асосан фақат қишда, совуқ об-ҳаво бошланганда сақлаш мумкин. Йилнинг қолган қисмида қуёш нурлари ва намлиги маҳсулотни яхши сақлашга имкон бермайди.
Сақлаш муддати
Ёдингизда бўлсин, пишириқларнинг асосий таркибий қисми яроқлилик муддатига эга, буни албатта билиш керак. Шундай қилиб, маккажўхори ва зиғир уни қулай шароитларда 3 ойдан 6 ойгача, жавдар фақат олти ойгача, буғдой ва гуруч 9 ойгача сақланади. Аммо паст ҳароратларда кукунга айлантирилган доннинг сақлаш муддати 2 йилгача етади.
Изоҳ (0)