Украинадаги уруш пайтида, 15 март куни яна икки журналист ҳалок бўлгани ҳақида хабар тарқалди. Fox News телеканалининг суратга олиш гуруҳи аъзолари кетаётган машина 14 март куни Кев Гостомели яқинидаги Горенка қишлоғида ўққа тутилган.
Дастлаб телеканал мухбири Бенжамин Холл оёғидан оғир жароҳат олиб касалхонага ётқизилгани ҳақида маълумот пайдо бўлди; кейинчалик ўша ҳужумда гуруҳ аъзолари Пьер Закревски ва Александра Кувшиновалар ҳалок бўлгани аён бўлди.
Ирландия фуқароси бўлган 55 ёшли Закревски Fox News телеканалининг оператори эди, аввал у Ироқ, Афғонистон ва Сурияда ишлаган. Ҳамкасблари уни «телеканал афсонаси» деб аташарди. Украиналик аёл Александра Кувшинова эса фотограф эди, у ушбу суратга олиш гуруҳида продюсерлик қилган.
Аввал, 13 март куни Украинадаги урушда журналистлар билан боғлиқ биринчи ўлим кузатилганди: Ирпен шаҳрида америкалик журналист Brent Рено ҳалок бўлган.Brent Рено илгари кўп йиллар давомида The New York Times газетасида ишлаган, аммо Украинадаги сўнгги фаолияти нашрга боғлиқ бўлмаган. NYT журналистнинг ўлими ҳақидаги маълумотни тасдиқлади.Қайд этилишича, Brent Рено акаси Крейг билан биргаликда можаро зоналарида, жумладан Ироқ ва Афғонистонда фильмлар суратга олган. Унинг иши нуфузли мукофотларга сазовор бўлган.
Ренонинг ўлимидан сўнг журналистларга Ирпенга кириш тақиқланди.
Изоҳ (0)