Саримсоқни тезда қуриб қолмаслиги ва моғорламаслиги учун бир нечта сақлаш қоидалари мавжуд.
Саримсоқ – бу таом ва салатларни хуштаъм қилувчи иштаҳа очар маҳсулот. Саримсоқ ҳар қандай сабзавотлар билан ажойиб таъмни ҳосил қилади. Шунинг учун ҳам уни тўғри сақлаш ва буни қандай амалга оширишни билиб олиш керак.
Саримсоқни уйга олиб келганда биринчи навбатда нима қилиш керак?
Биринчидан, уни диққат билан текшириб чиқиш керак. Зарарланган ёки юмшаб қолган саримсоқни узоқ вақт сақлаб бўлмайди. Уни дарҳол истеъмол қилган яхшироқ.
Саримсоқни қобиқдан тозалаш мумкин эмас. Пўстлоқ ҳашаротлар ва намликдан ҳимоя қилади. Мутахассислар илдизларни қайчи билан кесиб олиш ёки куйдиришни маслаҳат беради. Бундай жараён келажакда саримсоқнинг эҳтимолий ўсишини тўхтатади.
Саримсоқни сақлаш учун энг яхши жой
Бунга тешикли пластик қутилар, сават ва картонлар киради. Шунингдек, уларни намлик бўлмаган жойга қўйиш керак.
Аммо саримсоқни тўрларда сақлаш тавсия этилмайди – улар қуриб кетиши мумкин. Қолаверса, уларни халталар ичида сабзавот бўлинмасида музлаткичда ҳам сақлаш тавсия этилади.
Агар саримсоқ яхши концентрланган тузли эритмага солиниб, сўнгра қуруқ ҳолда сақланса, моғорлашнинг олди олинади. Саримсоқни ўртача сақлаш ҳарорати 1 дан 3 даражагача. У 5 даражагача совуққа бардош бера олади.
Шунингдек, саримсоқни оддий туз билан ҳам сақлаш мумкин. Бунинг учун идиш олинади. Пастки қисмга туз, сўнгра саримсоқ қатлами ва яна туз сепилади. Яна бир усули бу стерилланган банкаларда ун билан сақлашдир. Ун саримсоқ учун хавфли бўлган намликни ўзлаштиради.
Саримсоқ стерилланган банкаларда, ун ва тузсиз сақланиши ҳам мумкин, асосий қоида шундаки, у қуёш нуридан панароқ жойда бўлиши керак. Кўпчилик саримсоқни бир неча қатламли озиқ-овқат плёнкаси билан ўраб сақлайди. Бунинг учун у юмшаб қолган бўлмаслиги керак.
Мавзуга доир:
Изоҳ (0)