Украина Радаси Британиядан олинган 1,7 млн фунтлик кредит ҳисобига Украина армиясининг 2022 йил учун сарф-харажатларини оширди

Украина давлат бюджетининг қурол-яроқ ва ҳарбий техника сотиб олиш учун сарф-харажатларини Буюк Британиядан олинган 1,7 миллиард фунтлик кредит эвазига 67,57 миллиард гривенга оширди. Маблағ Украина қуруқликдаги ҳарбий кучларини ривожлантиришга сарфланади, дея хабар берган «Интерфакс».

Олий раданинг мазкур қонуни 342 та овоз билан 15 мартда маъқулланган.

Қонунга кўра 2022 йил учун давлат бюджети сарф-харажатлари махсус жамғармани 593,5 миллиард гривенга кенгайтириш ҳисобига 1 триллион 525,93 миллион гривенга оширилган.

Бир вақтнинг ўзида давлат бюджети дефицитининг чегараси 188,8 миллиард гривендан 256,36 миллиард гривенга оширилди, махсус жамғармада эса 96,1 миллиард гривенга етказилган.

Бундан ташқари давлат бюджетидан режадаги даромадларга нисбатан давлат кафолатларини таъминланиши учун 3 фоизлик чеклов, шу билан бирга 10 миллиард гривен ва 20 миллиард гривен портфел кафолатлари ҳамда мамлакатнинг мудофаа кучини ошириш учун кредитлардаги кафолат олиб ташланган.

Шунингдек, қонунда йўл фондидан фойдаланишга нисбатан чекловлар жорий қилинган.

«Улар, аввало, давлатнинг қарз мажбуриятлари, мудофаа, тармоқни ривожлантириш ва йўлларни молиялаштиришга сарф қилинади», – дея ҳужжатга шарҳ берган «Слуга народа» фракцияси.

Қонунда келтирилган шарҳда қайд этилишича, Украина Британиянинг икки кемасоз корхонаси, уларнинг етказиб берувчилари ва хизмат кўрсатувчилари билан саккизта ракета катерини қуриш, мавжуд кемаларни қуроллантириш тизимлари билан таъминлаш ишлари учун давлат инвестиция лойиҳаларини амалга оширади. Бундан ташқари ҳарбий кемани биргаликда барпо қилиш, ҳарбий денгиз инфратузилмаси учун қурилмалар етказиш, ушбу соҳани ривожлантириш юзасидан масалаҳатлашув ва техник қўллаб-қувватлаш ҳамкорлиги йўлга қўйилади.

Олий рада январь охирида ҳарбий денгиз кучлари ҳамда қуруқликдаги ҳарбий кучларини ривожлантириш учун кредит олиш тўғрисдаги келишувни ратификация қилганди. Ҳужжат 2021 йил 12 ноябрда Лондонда имзоланган ва унда 8 та ракета кетерини қуришга маблағ ажратиш, Бирлашган қиролликдан трал билан жиҳозланган иккита кема олиш, шунингдек, Украинада икки ҳарбий денгиз базалари қуриш назарда тутилган.