Бир ойлик танаффусдан кейин очилмай қолган севимли лак шишасини ташлаб юборганмисиз? Ундай бўлса шу каби бошқа муаммоларнинг ечимини қуйида тақдим этиладиган маслаҳатлар ичидан топасиз.
Тональ креми
Қимматбаҳо тональ кремини тўлиқ ишлатиб бўлгач, унинг қанча қисми ҳали ҳам қути бурчакларида қолганини билиб олиш мумкин. Бунинг учун намлантирувчи кремдан бир қисми банкага қуйилади ва яхшилаб силкитилади. Натижада тоналли намлантирувчи крем ҳосил бўлади.
Ёпиштиргич ва упа
Юз терисида ҳуснбузар ёки ёғли ҳудудга суртилган упа баъзида қатлам ҳосил қилади ва ажралиб қолади. Бундай вақтда ёпиштиргич тасмаси керакли жойга қўйилади ва бармоқ билан босиб, қайта олинади. Тасма кераксиз упа миқдорини ўзи билан олиб чиқади. Кейин яна упани суртишда давом этиш мумкин.
Тен ва спирт
Қовжираб қолган тенга бироз спирт қуйилади ва сингиб кетгунча кутилади. Тенни тоза қошиқ ёки бармоқ билан босиб, спирт буғланишига имкон берилади. Сўнгра уларни яна ишлатиш мумкин.
Туш ва иссиқ сув
Албатта, туш ёпиқ идишда бўлади. Унинг қолдиқлари идишнинг ички қисмида қотиб қолган бўлиши мумкин. Уни ташлашдан олдин эса яхшилаб текшириб кўриш керак. Агар туш узоқ вақт ишлатилмаган бўлса, шунингдек, ранги ва ҳидга эга бўлмаса, уни қайноқ сув ичига солиш мумкин. Юқори ҳарорат туфайли қути ичидаги туш эриб чиқади.
Синган лаб бўёғи ва олов (зажигалка)
Синган лаб бўёғини тиклаш учун унга оловни етарлича яқин тутиш керак, лекин лаб бўёғи оқиб кетмасин. Эритилган қисмлар бир-бирига ёпиштирилади ва маҳкам сиқилади. Қотиб қолишдан олдин бармоқ билан текисланади.
Тен ва лаб бўёғи
Қуриб қолган тенга оз миқодорда вазелин қўшиб, яхшилаб аралаштириш керак. Сўнгра ундан лаб бўёғи сифатида фойдаланиш мумкин.
Лак қутиси
Қотиб қолган лак шишасини очиш учун шиша қопқоғини бир стакан иссиқ сувда ушлаб туриш керак. Эҳтиёт бўлинг, агар шишаси билан иссиқ сувга ботирилса, лак парчаланиб кетиши мумкин.
Макияж чўткалари
Уларга бўёқ зарралари тиқилиб қолганда, туклари мўртлашади. Шунинг учун чўткаларни мулойимлик билан намлаш ва уларга бироз тозаланган ўсимлик мойини суртиш тавсия этилади. Кейин болалар шампуни билан яхшилаб ювиб ташлаб қуритиш керак.
Косметика қоронғи ва салқин жойда сақланади
Қуёш нурлари ва юқори ҳарорат косметик воситага зарар етказишнинг асосий сабабидир. Агар ҳаво иссиқ бўлса, музлаткич уни сақлаш учун энг яхши жой. Қандай бўлмасин, ювиниш хонасида ҳар куни фойдаланмайдиган декоратив косметика, лак ва кремларни сақланмаслиги керак. Юқори ҳарорат фарқи туфайли ҳар қандай косметиканинг таркиби маълум даражада ўзгариб кетиши мумкин.
Эҳтиёт чоралари
Яроқлилик муддати ўтган косметика воситаларидан ёғли кремлар, ўзига хос бўлган ўткир ёки ширин ҳидли маҳсулотлардан эҳтиёт бўлиш лозим. Сақлаш яхши ва ўринли, лекин соғлиқни йўқотиш эвазига эмас.
Изоҳ (0)