Сиз ишлатган тональ кремларнинг ҳеч бири юзга яхши сингмай, тери қуришига олиб келяптими? Балки, муаммо тональ кремда эмас, уни қўллашдадир? Нима учун тональ крем юзга яхши «ётмаслиги» ва уни қандай қўллаш кераклиги ҳақида косметолог Лилия Дишлева сўзлаб беради.
Тери қуриши ва кўчиши
Тонални кремсиз қўллашнинг энг кўп учрайдиган оқибатлари тери қуриши ва кўчишидир. Бундан ташқари, тональ крем қуруқ терининг камчиликларини таъкидлаши, ҳатто ажинлар ва бошқа муаммоли жойларни ажратиб кўрсатиши мумкин. Бу эса бир неча ёш каттароқ кўринишга олиб келади. Чунки тонал воситалар терини қуритади. Аслида таркибида намловчи компонентлар бўлган BB кремни ҳам қўллашдан олдин енгил намлантирувчи крем суртиш керак.
Намлантиринг
Макияж остида намловчи воситани қўллаш яхши пардознинг асосий қоидаларидан биридир. Тонал маҳсулотларда ҳам намловчи таркибий қисмлар мавжудлигига қарамасдан, улар бошқа муаммоларни ҳал қилади. Ётишдан олдин терини тозаловчи зардоб ва кремлардан фойдаланиш орқали ҳам терини парвариш қиласиз, ҳам пардознинг узоқ туриши ва сифатини таъминлайсиз.
Баъзан пилинг керак бўлади
Бундан ташқари, визажистлар ўлик тери ҳужайраларини олиб ташлаш ва терининг нафас олишини яхшилаш учун пардоздан олдин енгил пилинг қилишни ёки тозаловчи ниқоблардан фойдаланишни маслаҳат беради. Шундан кейингина намловчи крем қўллашга ўтинг, крем 5-10 дақиқа давомида терига яхши сингиши учун вақт бериш керак, сўнг тональ кремдан фойдаланинг.
Ёғли тери ҳақида нима дейиш мумкин?
Агар тональ крем ёки ББ крем кундалик крем билан биргаликда юзингизни янада ёғли қилиб, ёғ секрециясини кучайтираётганини сезсангиз, тональ крем ёки намловчи крем терингизга мос келмаган бўлиши мумкин. Терингиз эҳтиёжларига энг мос келадиган бошқа кремларни синаб кўринг.
Ёғли тери билан парваришлаш воситаларига максимал даражада эътибор бериш керак, чунки улар фақат намловчи бўлиши керак эмас. Агар бундай воситалар себум модасини ҳам тартибга солса, янада яхши: бирданига ёғли ва муаммоли терини парваришлайдиган гел, тоник, зардоб, кремлардан фойдаланинг. Энг муҳими, ушбу маҳсулотлар таркибида комедоген бўлмаслиги, гликолик, салицил кислотаси, АHА ёки BHА кислоталаридан ташкил топган бўлиши лозим.
Шуни унутмангки, ёғли тери жуда инжиқ ва таъсирчан бўлади, шунинг учун бундай тери эҳтиёткорлик билан муносабатда бўлишни, пардозда ҳам, парваришда ҳам қимматроқ косметик воситаларни талаб қилади.
Изоҳ (0)