Қош ҳамиша юзнинг кўрки бўлиб келган. Бугунда уларнинг табиий шакли ва қалинлиги трендда. Албатта, авваллари ингичка қошлар урфда эди, аммо кейинчалик уларнинг табиий қалинлигини тиклаш мумкинми?
Мутахассисларнинг таъкидлашича, табиий қалин қошларга қайтиш учун минимал давр 4 ой. Аммо қошлар ип каби ингичка бўлса, тиклаш бир йил ёки ундан ҳам кўпроқ вақтни олиши мумкин.
Мутахассисга мурожаат қилинг
Бунинг учун дастлаб мутахассисга мурожаат қилиш керак. Улардан қошлар учун тўғри шакл ва ранг танлашни сўраш лозим. Қош бўйича мутахассис қошни қандай қилиб эҳтиёткорлик билан чизишни ўргатади. Натижада қошнинг янги шаклидан эртароқ баҳраманд бўлиш мумкин.
Қош теришни унутинг
Энг муҳим ва энг қийин нарса: бир неча ой давомида қош териш ҳақида унутиш тавсия этилади. Вазифа осон эмас, энди ўсиб чиқаётган қош териб ташлаш истаги ичкаридан кемиради. Аммо бошқа вариант йўқ.
Қошларни витаминлар орқали озиқлантиринг
Соч ўсишига ёрдам берадиган қўшимча ва витаминлар ҳам қошлар учун жуда яхши фойда беради. Биотин (сувда эрийдиган Б витамини) ва вивискал (соч тўкилишини тўхтатиш ва соч ўсишини рағбатлантириш учун аминокислота-минерал комплекси) каби соч ўсишига ёрдам берадиган маҳсулотларни қабул қилинг.
Қошлар учун косметик маҳсулотлардан фойдаланинг
Қошларни ўстириш ва қалинлаштириш учун косметик рационга махсус кондиционер ёки мой қўшиш тавсия этилади. Халқона табобатга мурожаат қилиш жуда муҳим: кунжут, кунгабоқар ва бодом ёғи соч ўсишига фойдали таъсир кўрсатади.
Макияж қилишни ўрганинг
Қошларни қалинлаштириш босқичида ҳамма ҳолатга тайёр бўлиш керак. Агар бу ноқулайлик туғдирса, уларни махсус косметика маҳсулотлари: қалам, тен, мум ва геллар ёрдамида қандай қилиб тўғри яширишни ўрганиб қўйиш лозим.
Эҳтиёт бўлинг
Бурун кўпригидаги сочларни тиклаш энг қийини. Шунингдек, улар кўпроқ безовта қилиши мумкин. Уларни косметика билан яшириб бўлмайди. Бурун кўпригида ўсган тукларни олишдан олдин, бармоқ қошлар орасига қўйилади ва қалам билан унинг ҳар икки томони белгиланади. Сўнгра белгиланган ҳудудга қараб, қошга шакл бериш мумкин.
Хатоларни такрорламанг
Бир неча ой ўтгач, қошлар етарлича ўсади ва унинг шаклини тузатиш керак. Бу сафар ҳам қош кўнгилдагидек чиқмай, аввалги шаклга келиб қолиши мумкин. Неча ойлаб кутилган қошлар олдингидек шаклга киради. Шунинг учун яхши мутахассисга мурожаат қилиш лозим.
Изоҳ (0)