Ижтимоий тармоқларда Сурхондарё радио-телеузатиш маркази раҳбарлари ва кадр ходими мактаб ўқувчисини ўғирлаб номусига теккани, улардан бири 60 ёш атрофида экани ҳақида хабар тарқалди. Вилоят Ички ишлар бошқармаси ҳолатга муносабат билдирди.
Қайд этилишича, ушбу хабар юзасидан 2021 йилнинг 3 ноябрь куни Жиноят кодексининг 128-1-моддасининг 1-қисми (ўн олти ёшдан ўн саккиз ёшгача бўлган шахс билан моддий қимматликлар бериш ёхуд мулкий манфаатдор этиш орқали жинсий алоқа қилиш) билан жиноят иши қўзғатилган.
Дастлабки тергов ҳаракатлари якунланган. Жиноят иши мазмунан кўриб чиқиш учун жиноят ишлари бўйича Термиз шаҳар судига юборилган.