Президент Шавкат Мирзиёев раислигида 4 март куни ўтказилган видеоселектор йиғилишида берилган топшириққа биноан Украинадан қайтиб, ўқишини Ўзбекистонда давом эттириш истаги бўлган талабаларнинг ҳужжатлари ҳудудий ишчи гуруҳлар томонидан қабул қилинмоқда. Бу ҳақда Олий ва ўрта махсус таълим вазирлиги хабар берди.
«Бу жараёнда талабалар яшаш ҳудудларида ташкил этилган ишчи гуруҳларга (иловада) мурожаат қилишлари ва батафсил маълумот олишлари сўралади», — дейилади хабарда.
Маълумот учун, шу кунга қадар Олий ва ўрта махсус таълим ҳамда Ташқи ишлар вазирликларига ушбу масалада мурожаат қилган фуқароларнинг, хусусан, талабаларнинг хорижий таълим муассасалари ва яшаш ҳудудлари кесимида рўйхати шакллантирилиб, ҳудудлардаги ишчи гуруҳларга юборилган.
Эслатиб ўтамиз, 24 февраль куни Украинада таълим олаётган ўзбекистонлик талабалар ўз ватанига вақтинчалик жўнаб кетиши сабаб мамлакат олий ўқув юртларидаги ўқишларини сақлаб қолиш масаласи бўйича кўплаб мурожаатлар келиб тушаётганини инобатга олган ҳолда, мурожаат билан чиққанди. Унга кўра, Украина Таълим ва фан вазирлиги 2022 йил 25 январдаги 1/1266-сонли ва 2022 йил 15 февралдаги 1/2588-22-сонли хати билан Украинанинг барча олий ўқув юртларига масофавий таълимни жорий этишни тавсия қилган.
Изоҳ (0)