Футбол бўйича Франция чемпионатининг 28-турида «ПСЖ» 13 март, якшанба куни «Бордо»ни қабул қилди.
Учрашувнинг 24-дақиқасида Килиан Мбаппе майдон эгаларини олдинга олиб чиққан бўлса, иккинчи бўлим дебютида Неймар жамоасининг иккинчи голини урди. 61-дақиқада Леандро Паредес ҳисобни йирик кўринишга олиб келди.
Ушбу ғалабадан кейин «ПСЖ» очколарини 65 тага етказиб олган ҳолда пешқадамликни мустаҳкамлади. Парижликлар энг яқин таъқибчисини 15 очкога ортда қолдирмоқда. «Бордо» эса 22 очко билан сўнгги ўринда бормоқда.
Париж клуби кейинги турда «Монако» майдонига сафар қилади. ўйин 20 март куни бўлиб ўтади.
Лига 1 мусобақа жадвали, ўйинлар тақвими ва тўпурарлар рўйхати шу ерда — кўриш.
Лига 1
28-тур баҳслари
13 март, якшанба
«ПСЖ» — «Бордо» 3:0
Голлар: 1:0 – 24 Мбаппе, 2:0 – 52 Неймар, 3:0 – 61 Паредес.«ПСЖ»: Навас, Ҳакими (Керер, 88), Маркиньос, Кимпембе, Мендеш (Диалло, 84), Вейналдум (Дракслер, 88), Данилу Перейра, Паредес, Месси, Неймар, Мбаппе.
«Бордо»: Пуссен, Кватенг, Марсело, Грегерсен, Аҳмедхожич, Гилавоги, Адли (Дилросун, 81), Онана (Игнатенко, 68), Ҳван Ий Чжо (Ньянг, 80), Элис (Мара, 68), Уден (Менса, 69).
Огоҳлантиришлар: Паредес (39), Гилавоги (40), Уден (45).
Изоҳ (0)