Футбол бўйича Италия А Сериясининг 29-туридан ўрин олган ўйинда «Ювентус» 12 март, шанба куни «Сампдория» билан баҳс юритди.
«Сампдория» мезбонлигида ўтган ўйин меҳмонларнинг 3:1 ҳисобидаги ғалабаси билан якунланди. Туринликлар сафида Альваро Мората дублга эришди, яна бир вазиятда Майа Ёсида ўз дарвозасини ишғол этиб қўйди. «Сампдория»нинг ягона жавоб голига эса Абдулҳамид Сабири муаллифлик қилди.
Шу тариқа «Ювентус» сафардан 3 очко билан қайтадиган бўлди. Массимилиано Аллегри шогирдлари очколари сонини 56 тага етказди, жамоа 4-ўринда бормоқда. Пешқадам «Милан» 60 очко жамғарган, «россонерилар» ҳам тур доирасидаги ўйинини 12 март куни тунда ўтказади.
Ҳисобида 26 очко бўлган «Сампдория» 16-ўринни банд этган.
А Серия
29-тур баҳслари
12 март, шанба
«Сампдория» – «Ювентус» 1:3
Голлар: 0:1 – 23, автогол Ёсида, 0:2 – 34, пенальти Мората, 1:2 – 84 Сабири, 1:3 – 88 Мората.«Сампдория»: Фальконе, Берешински, Ёсида, Колли, Аужелло (Конти, 83), Кандрева, Торсбю, Ринкон (Тримболи, 83), Сенси (Жовинко, 66), Куальярелла (Сабири, 62), Капуто.
«Ювентус»: Шченсни, Данило, Ругани, де Лигт, Пеллегрини (де Шилё, 85), Куадрадо, Рабьо (Алекс Сандро, 75), Локателли, Артур, Мората, Кин (Влаҳович, 65).
Огоҳлантиришлар: Рабьо (49), Пеллегрини (82).
Изоҳ (0)