«Барселона» дарвозабони Марк-Андре тер Штеген жамоадаги «дахлсизлик ҳуқуқи»дан маҳрум бўлиши мумкин.
Каталон раҳбарияти ва мураббийлар штаби германиялик дарвозабон келажакда ҳам ўз позициясининг биринчи рақамли вакили бўлиб қолишига шубҳа билан қарамоқда.
Тер Штеген жорий мавсум бор-йўғи 63 фоиз зарбани қайтариб қолган. Бу унинг каталон сафидаги энг ёмон кўрсаткичи. Ла Лига жорий мавсумида мазкур кўрсаткич борасида тер Штеген 20-ўринда бормоқда. Қайд этилишича, дарвозабоннинг кўрсаткичи йилдан йилга ёмонлашиб бормоқда.
Аввалроқ «Барселона» унга ўринбосар қидираётгани ҳақида хабарлар янграганди.
Марк-Андре жорий мавсум Ла Лигада 24 та ўйин ўтказиб, уларнинг 6 тасида ўз дарвозаси дахлсизлигини сақлаб қолган ва жами 29 та гол ўтказиб юборган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)