Futbol bo‘yicha Fransiya chempionatining 28-turida “PSJ” 13-mart, yakshanba kuni “Bordo”ni qabul qildi.
Uchrashuvning 24-daqiqasida Kilian Mbappe maydon egalarini oldinga olib chiqqan bo‘lsa, ikkinchi bo‘lim debyutida Neymar jamoasining ikkinchi golini urdi. 61-daqiqada Leandro Paredes hisobni yirik ko‘rinishga olib keldi.
Ushbu g‘alabadan keyin “PSJ” ochkolarini 65 taga yetkazib olgan holda peshqadamlikni mustahkamladi. Parijliklar eng yaqin ta’qibchisini 15 ochkoga ortda qoldirmoqda. “Bordo” esa 22 ochko bilan so‘nggi o‘rinda bormoqda.
Parij klubi keyingi turda “Monako” maydoniga safar qiladi. o‘yin 20-mart kuni bo‘lib o‘tadi.
Liga 1 musobaqa jadvali, o‘yinlar taqvimi va to‘purarlar ro‘yxati shu yerda — ko‘rish.
Liga 1
28-tur bahslari
13-mart, yakshanba
“PSJ” — “Bordo” 3:0
Gollar: 1:0 – 24 Mbappe, 2:0 – 52 Neymar, 3:0 – 61 Paredes.“PSJ”: Navas, Hakimi (Kerer, 88), Markinyos, Kimpembe, Mendesh (Diallo, 84), Veynaldum (Draksler, 88), Danilu Pereyra, Paredes, Messi, Neymar, Mbappe.
“Bordo”: Pussen, Kvateng, Marselo, Gregersen, Ahmedxojich, Gilavogi, Adli (Dilrosun, 81), Onana (Ignatenko, 68), Hvan Iy Chjo (Nyang, 80), Elis (Mara, 68), Uden (Mensa, 69).
Ogohlantirishlar: Paredes (39), Gilavogi (40), Uden (45).
Izoh (0)