Андижон шаҳрида 10 кун муддатда ҳайдовчилик гувоҳномасини олиб бермоқчи бўлган автомактаб ўқитувчиси ушланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департамент ҳамда Давлат хавфсизлик хизматининг Андижон шаҳар бўлимлари томонидан тезкор тадбир ўтказилган. Унда «Ватанпарвар» ташкилотининг Андижон автомобиль мактаби ўқитувчиси Ш.С. фуқаро М.га танишлари орқали 10 кун муддатда «E» тоифадаги ҳайдовчилик гувоҳномасини ўқув дарсларига қатнашмасдан олиб беришни ваъда қилгани аниқланган. У эвазига 3 миллион сўмни олган вақтида ашёвий далиллар билан ушланган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Сурхондарёда фуқаронинг Тожикистондаги ўқишини 1,5 минг доллар эвазига кўчириб беришни ваъда қилган шахс ушланди
- Хоразмда 1000 доллар эвазига ЙТҲ оқибатида ҳеч кимга шикаст етмагани тўғрисида ҳужжатларни тайёрлаб беришни ваъда қилган шифокор ушланди
- Тошкент ва Андижонда қисқа муддатда ҳайдовчилик гувоҳномасини олиб беришни ваъда қилган шахслар ушланди
Изоҳ (0)