Andijon shahrida 10 kun muddatda haydovchilik guvohnomasini olib bermoqchi bo‘lgan avtomaktab o‘qituvchisi ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departament hamda Davlat xavfsizlik xizmatining Andijon shahar bo‘limlari tomonidan tezkor tadbir o‘tkazilgan. Unda “Vatanparvar” tashkilotining Andijon avtomobil maktabi o‘qituvchisi Sh.S. fuqaro M.ga tanishlari orqali 10 kun muddatda “E” toifadagi haydovchilik guvohnomasini o‘quv darslariga qatnashmasdan olib berishni va’da qilgani aniqlangan. U evaziga 3 million so‘mni olgan vaqtida ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Surxondaryoda fuqaroning Tojikistondagi o‘qishini 1,5 ming dollar evaziga ko‘chirib berishni va’da qilgan shaxs ushlandi
- Xorazmda 1000 dollar evaziga YTH oqibatida hech kimga shikast yetmagani to‘g‘risida hujjatlarni tayyorlab berishni va’da qilgan shifokor ushlandi
- Toshkent va Andijonda qisqa muddatda haydovchilik guvohnomasini olib berishni va’da qilgan shaxslar ushlandi
Izoh (0)