Bugun,

  • USD 11095.31
  • RUB 173.84
  • EUR 10772.44

Yevrokomissiya Yevropa ittifoqi mamlakatlariga 2030-yilgacha Rossiyadan olinadigan yoqilg‘i mahsulotlarini rad etish rejasini taklif etdi. Bu haqda komissiyaning press-relizida xabar qilingan.

Foto: Reuters

Foto: Reuters

Qaror Ukrainada davom etayotgan urush tufayli qabul qilindi, deyiladi xabarda. Birinchi navbatda Rossiyadan import qilinadigan gazdan voz kechish rejalashtirilmoqda.

Yevropaning Rossiya gaziga qaramligini qisqartirishning eng birinchi choralari — gaz yetkazib berilishini diversifikatsiya qilish, biometan hamda qayta ishlanadigan vodorod ishlab chiqarishni oshirish bo‘ladi.

Shuningdek, Yevrokomissiya binolarning isitish tizimlarida gazdan foydalanishni energiya samaradorligini oshirish va qayta ishlanadigan energiya manbalari hisobiga tezlashtirishni taklif qilgan. Qayd etilishicha, barcha chora-tadbirlar YIning 2022-yilning qolgan qismida Rossiya gazidan foydalanish hajmini kamaytiradi.

Bundan tashqari, reja loyihasida Yevropadagi energiya yetkazuvchilarining narxi oshishiga qarshi bir qator choralar va kelasi qishga zarur zaxirani to‘plash masalasi ko‘tarilgan. Jumladan, Yevrokomissiya har yili 1-oktabrda YI gaz saqlash joylari kamida 90 foizini to‘ldirish yuzasidan qonun hujjatini ishlab chiqish tashabbusini bildirgan.

Ukrainadagi urush fonida G‘arb mamlakatlari Rossiyaga nisbatan keskin sanksiyalar qo‘lladi. Rossiya uglevodorodlariga nisbatan cheklovlar Yevropaga yetkazilayotgan energiya resurslari sabab birinchilardan bo‘lib e’lon qilinmagan.

8-mart kuni AQSh Rossiyaga nisbatan sanksiyalarini yana kuchaytirdi va mamlakatdan neft hamda gaz import qilishni taqiqladi. Buyuk Britaniya ham shunday qarorga kelgan va 2022-yil oxirida Rossiya neft-gazidan to‘liq voz kechmoqchi. Bundan avval Germaniya va Niderlandiya Rossiya energiya resurslariga nisbatan embargo qo‘llash taklifi bilan chiqqandi.

Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live

Izoh
Asosiy yangiliklar
Dunyo
Putin rasmiy qarorgohida zinadan yiqilib tushgani aytilmoqda
Mahalliy
“Mashina minishni qimmatlashtirish kerak”. Doniyor G‘aniyev tirbandliklarni kamaytirish, aholini jamoat transportiga o‘rgatish uchun nimalar qilish zarurligi haqid...
Madaniyat
“Uyda yolg‘iz” filmi yulduzi shapkasi yonayotgan sahnani suratga olish paytida boshi kuyib qolgani haqida gapirdi