9 март куни соат 11:45 да Қашқадарё вилояти Деҳқонобод тумани «Откамар» МФЙда ноқулай об-ҳаво шароити натижасида 3 нафар фуқарони яшин урди, деб хабар беради ФВВ матбуот хизмати.
Маълум қилинишича, воқеа оқибатида бир нафар фуқаро вафот этган, икки нафар фуқаронинг бирига тиббий ёрдам кўрсатилиб, амбулатор даволанишга рухсат берилган. Иккинчи фуқарога туман тиббиёт бирлашмасида малакали тиббий ёрдам кўрсатилмоқда.
«Ўз навбатида, фуқароларимиздан ноқулай об-ҳаво шароитида хавфсизлик чораларига амал қилишни сўраб қоламиз», — дейилади хабарда.
Аввалроқ «Ўзгидромет» Эрондан ва Каспий денгизи ҳудудларидан бир қатор нам ҳаво массалари кириб келиши ҳисобига иш ҳафтасининг охиригача республика ҳудудлари бўйича беқарор об-ҳаво сақланиб туришини маълум қилганди. Шунингдек, «Ўзгидромет» Тошкентда яқин 2 соат ичида кучли момақалдироқ кузатилиб, шамол тезлиги кучайишидан огоҳлантирган.
Изоҳ (0)