Тошкент шаҳрида яқин 2 соат ичида кучли момақалдироқ кузатилади, деб хабар беради «Ўзгидромет».
Шунингдек, пойтахтда шамол тезлиги 12-14 метр/сониягача кучайиши кутилмоқда.
«Ҳайдовчилардан тезлик меъёрига риоя қилган ҳолда эҳтиёткорлик билан ҳаракат қилишларини, зарурат бўлмаса ушбу вақт оралиғида автомашинада ҳаракатланишни имкон қадар чеклашларини сўраб қоламиз», — дейилади хабарда.
«Ўзгидромет» маълумотига кўра, Эрондан ва Каспий денгизи ҳудудларидан бир қатор нам ҳаво массалари кириб келиши ҳисобига иш ҳафтасининг охиригача республика ҳудудлари бўйича беқарор об-ҳаво сақланиб туради. Аввалроқ республиканинг қатор ҳудудларида 9 март куни ёмғир ёғиши маълум қилинганди.
Изоҳ (0)